შსს-ს აკადემიასა და კავკასიის უნივერსიტეტს შორის მემორანდუმი გაფორმდა

საზოგადოება - 10:52, 04 May, 2014

1695

შსს-ს აკადემიასა და კავკასიის უნივერსიტეტს შორის „განათლების სფეროში თანამშრომლობის შესახებ“ მემორანდუმი გაფორმდა. მას ხელი შსს-ს აკადემიის რექტორმა ნუკრი გელაშვილმა და კავკასიის უნივერსიტეტის პრეზიდენტმა კახა შენგელიამ მოაწერეს.

მემორანდუმი კავკასიის უნივერსიტეტის სამართლის სკოლის სტუდენტებისა და შსს-ს აკადემიის მსმენელების მაღალკვალიფიციურ პროფესიონალებად ჩამოყალიბებას, მათი პროფესიული პოტენციალის რეალიზაციას და უნარ-ჩვევების განვითარებას ისახავს მიზნად.

ურთიერთთანამშრომლობის მემორანდუმის ფარგლებში განხორციელდება კვალიფიკაციის ასამაღლებელი მოკლევადიანი პროგრამები, დაიგეგმება და ჩატარდება ერთობლივი ლექცია-სემინარები და კონფერენციები, შემუშავდება ერთობლივი პროექტები, სტუდენტები დაესწრებიან უცხოელი ექსპერტების მიერ ჩატარებულ ლექცია-სემინარებს, ორმხრივად გაიცვლება ინფორმაცია საგანმანათლებლო და სამეცნიერო კვლევების შესახებ. მემორანდუმის მონაწილე მხარეები ორივე დაწესებულების სასწავლო და მატერიალურ-ტექნიკურ ბაზას
გამოიყენებენ.

შსს-ს აკადემიასა და კავკასიის უნივერსიტეტს შორის განხორციელდება გაცვლითი პროგრამები და სასწავლო ვიზიტები პროფესორ-მასწავლებელთა, ინსტრუქტორთა,

სტუდენტების და აკადემიის მსმენელთა კვალიფიკაციის ამაღლების და გამოცდილების გაზიარების მიზნით. შსს-ს აკადემიის ბაზაზე ასევე ჩატარდება იმიტირებული სასამართლო პროცესები. მემორანდუმის ფარგლებში კავკასიის უნივერსიტეტის სამართლის სკოლის სტუდენტებმა ყოველწლიური სამეცნიერო კონფერენცია წელს შსს-ს აკადემიაში გაიმართეს. ღონისძიებას უნივერსიტეტის ლექტორებისა და სტუდენტების გარდა აკადემიის წარმომადგენლებიც დაესწრნენ.