ნანუკა ჟორჟოლიანი - დათო გათიშეს ელექტროშოკებით და შემდეგ სცემეს!

საზოგადოება - 16:24, 03 May, 2014

7103

ტელეწამყვანი ნანუკა ჟორჟოლიანი მომხდარი ინციდენტის დეტალებს სოციალურ ქსელში ასაჯაროებს.
"დღეს, დღის 15:00 საათისთვის, აბაშიძეზე, დათო კოდუამ ( ერეკლეს ძმამ) სალონში წაიყვანა 4 წლის ბავშვი თმების შესაჭრელად. მას ტელეფონზე დაურეკეს, გარეთ გავიდა და შუა ბარნოვზე თავს დაესხა 4 ნიღბიანი შეიარაღებული პირი. გათიშეს ელექტროშოკებით და შემდეგ სცემეს! ჯანმრთელობის მდგომარეობა ძალიან მძიმეა. ის რეანიმაციულში გადაიყვანეს! ინფორმაციის მედიაში გავრცელება მალევე დაიწყო შსს-მ! ან უნდა დავიჯეროთ, რომ დათო კოდუას საცემად ინაპლანეტელები ჩამოვიდნენ, ან შსს-მ უნდა აღიაროს, რომ შუა ქალაქში თავისუფლად გადაადგილდება შეიარაღებული ბანდ ფორმირება და ჭიკაიძე კრიმინალურ ვითარებას ვერ აკონტროლებს!!!! არის მესამე ვერსიაც", - წერს ჯორჯოლიანი "ფეისბუქზე".
დღეს, თბილისში, აბაშიძის ქუჩაძე დაუდგენელმა პირებმა ერეკლე კოდუას ძმა, დავით კოდუა სასტიკად სცემეს.

დაზარალებული ამ დროისთვის საავადმყოფოშია გადაყვანილი და მისი ჯანმრთელობის მდგომარეობა მძიმეა.

ფაქტს შინაგან საქმეთა სამინისტროშიც ადასტურებენ. როგორც "ნიუპოსტს" შსს-ში განუცხადეს, მომხდართან დაკავშირებით საგამოძიებო მოქმედებები მიმდინარეობს.

"მიმდინარეობს საგამოძიებო მოქმედებები და შსს აღნიშნულთან დაკავშირებით ოფიციალურ განცხადებას მოგვიანებით გაავრცელებს", - აცხადებენ შსს-ში.