საქართველოში ახალი ვირუსია აღმოჩენილი. ქართველი სპეციალისტები ამერიკელ კოლეგებთან ერთად ამ დრომდე ცდილობენ დაადგინონ, რა სახისაა დაავადება, რომლითაც სამი ადამიანი დაინფიცირდა. უკვე დადასტურებულია ინფორმაცია, რომ ეს არის ამოუცნობი ვირუსული ინფექცია, რომელიც მანამდე არსად დაუფიქსირებიათ. წინასწარი კვლევების მიხედვით, ის ძალიან ჰგავს "ყვავილის" სახელით ცნობილ ვირუსს, რომელიც ზოგიერთ შემთხვევაში ლეტალური შედეგით სრულდებოდა.

თუმცა იმის გამო, რომ ინფექცია ბოლომდე გამოკვლეული არ არის, სპეციალისტებს დაავადების თანმდევი შედეგების სიმძიმის პროგნოზირება ამ ეტაპზე უჭირთ. კვლევის პროცესში ამერიკის დაავადებათა კონტროლის ცენტრის თანამშრომლებიც არიან ჩართული, რომლებიც არ გამორიცხავენ, რომ ახალი ვირუსული ინფექცია შესაძლოა ბიოლოგიურ იარაღად იყოს გამოყენებული.