შალვა რამიშვილი: „ოცნებას არ ვაძლევ უფლებას

შალვა რამიშვილი: „ოცნებას არ ვაძლევ უფლებას - დამახრჩოს“

საზოგადოება - 15:01, 02 May, 2014

3581

სუფლიორებად მყავს ღმერთი და სატანა! - ამბობს ცნობილი შოუმენი შალვა რამიშვილი რამდენიმე წუთის წინ სოციალურ ქსელში გამოქვეყნებულ ლექსში. როგორვ ტელეწამყვანმა „ნიუპოსტთან“ საუბრისას განაცხადა, ლექსი, რომლის ავტორიც თავად არის 15 წლის წინ დაიწერა. ახლა შემთხვევით იპოვა და გამოაქვეყნა. თუმცა, ლექსი თავისი შინაარსით იმდენად ესადაგება შალვას დღევანდელობას რომ რამდენიმე დღის წინ დაწერილი გეგონება...

ჯანდაბას ჭაობის ლაფი და სიმყრალე,
ავყევი ცხოვრების გრიგალს და ქარაშოტს
უკვე ყველაფერი მკიდია ფეხებზე,
ყველა როლს ვირგებ და ყველა როლს ვთამაშობ...
არ მჯერა მადლის და ქვის და მისთანების
სიყალბის სასახლეს მივადგი ხარაჩო,
ვთამაშობ ბედნიერს, ვთამაშობ უბედურს,
ხან ჯანმრთელს და ხანაც ავადმყოფს ვთამაშობ.
ვთამაშობ ზესულელს უკვე მერამდენედ,
ყველა შეგონებას ვაცხადებ ბათილად,
მოთხოვნა არ არის ბაზარზე - ჭკვიანის,
თორემ ვითამაშებ ჭკვიანსაც ადვილად...
ვთამაშობ კეთილს და ვთამაშობ ბოროტს და
(ოცნებას არ ვაძლევ უფლებას - დამახრჩოს)
ვთამაშობ რაინდს და ვთამაშობ მშიშარას,
ვთამაშობ ღარიბს და მდიდარსაც ვთამაშობ!
ვიცი რაც მომელის ბოლო გასტროლებზე,
ამიტომ სცენაზე არ ვიწვევ პარტნიორს,
ხანდახან რომ მინდა სუფრასთან მიმიშვან,
გულზე მჯიღისცემით ვთამაშობ პატრიოტს...
მობრძანდით! ბილეთებს უფასოდ ვარიგებ,
კართან გადამხევი ქალებიც არ დგანან...
ჩემია პიესაც, დადგმაც და როლებიც
სუფლიორებად მყავს ღმერთი და სატანა!
- - - - - - - - - - - -- -- - -
შეგხვდი და სპეკტაკლი დამთავრდა მაშინვე,
დავხურავ ფარდებს და რამპებსაც ჩავაქრობ,
შენი სიყვარული ვეღარ ვითამაშე
და ახლა უშენოდ სიცოცხლეს ვთამაშობ...