ხატია სიჭინავა: „მე ძალიან ხშირად გამიხდია ჩემი ქმრისთვის ნასკი“

საზოგადოება - 12:16, 02 May, 2014

17599

რა არის ქართული ტრადიცია და რამდენად სცემენ ქალებს მამაკაცები პატივს საქართველოში? ამ თემასთან დაკავშირებით ისაუბრეს პროფილში მოწვეულმა სტუმრებმა. ხატია სიჭინავამ განაცხადა, რომ ცნობილ ქართულ გამოთქმაში „ქალო, ნასკი გამხადე“ – ვერაფერს ცუდს ვერ ხედავს, რადგან თავადაც გაუხდია ქმრისთვის „ნასკი“ და თან არაერთხელ.

ხატიას ამ სიტყვებს სოციალურ ქსელში თიკო სადუნიშვილი შემდეგი პოსტით გამოეხმაურა: „შემდეგ გადაცემაში ხატიამ გახდილი ნასკებიც მოიტანოს, უნდა დავთვალო, რამდენჯერ...“ ეს ამბავი კი შემდეგ დიალოგს მოჰყვა.

გია ცინაძე: იცით რა არის ტრადიციაა, მიუხედავად იმისა რომ ქართველი კაცი „პატივს სცემს“ ქალებს, ყოველთვის აგინებდნენ მათ. ქალი იყო მონა სახლში- ნასკი გამხადე, საჭმელი გააკეთე, ძროხები მოწველე, დროზე ქალო შენი დედა... ეს არის ტრადიცია.

ხატია სიჭინავა: მე ძალიან ხშირად გამიხდია ჩემი ქმრისთვის ნასკი, მაგრამ ეს იმას არ ნისნავს, რომ მე დამცირებულად მეგრძნო თავი. როცა გიყვარს ადამიანი ეს ძალიან ჩვეულებრივი მომენტია და ამაში უპატივცემულობას ნამდვილად ვეღარ ვხედავ.

თინა მახარაძე: ეს არის შეფუთვა, რომ ქართველი კაცი ყოველთვის პატივს სცემდა ქართველ ქალს. არასდროს ასე არ ყოფილა, ეს არის ძალიან დიდი ტყუილი, რასაც ყოველთვის ძალიან დიდი სიამოვნებით ვიჯერებთ.

ხატია სიჭინავა: რას ამბობთ? ქართველი კაცი ყოველთვის დიდ პატივს სცემდა ქართველ მანდილოსანს. ჩემს ოჯახში მაგალითად ასეა. ასე რომ...

თინა მახარაძე: შენი ოჯახი შენი ოჯახია, ეს ინდივიდუალურია და გამონაკლისი არსებობს. ბაბუაჩემი ამბობდა გენიალურ ფრაზას: „გამონაკლისი წესს ამტკიცებს“. თუ რომელიმე ოჯახში გამონაკლისის სახით , რომელიმე კაცი პატივს სცემს ქალს, ეს არის გამონაკლისი, მაგრამ წესი არის ის რომ ქართველი კაცები ქართველ ქალებს პატივს არ სცემენ. ადამიანი რომელსაც აქვს გინება ჩემი დედა არ შეიძლება იყოს ქალის პატივისმცემელი.