GDS-ის ერთ-ერთმა ჟიურის წევრმა ნატო დუმბაძემ გადაცემის მსვლელობისას განცხადება გააკეთა და მის გვერდით მსხდომ ჟიურის წევრებს მაღალი კულტურისთვის მადლობა გადაუხადა, ეს იყო ერთგვარი კრიტიკაც იმ ჟიურის წევრთა მიმართ, რომელთაც სხვა ტელეკომპანიების ეთერში ვხედავთ.

ნატო დუმბაძე: „მე მინდა ძირითად ჟიურის შემადგენლობას ძალიან დიდი მადლობა გადავუხადო. არა იმიტომ, რომ ისინი არაჩვეულებრივები არიან და კარგად გამოიყურებიან. მინდა ვთქვა, რომ ქართულ ტელესივრცეში ჟიურის ასეთი მაღალი შეფასება კულტურის მხრივ აქვს მხოლოდ ამ ტელეკომპანიას და დიდი მადლობა მათ ამისთვის“.

ნატო დუმბაძის მიერ გაკეთებული ეს განცხადება ყურადღების გარეშე არ დარჩენილა. მას სოციალურ ქსელში საქციელს უქებენ და სხვა ტელეკომპანიებს დაფიქრებისკენ მოუწოდებენ. აი რას წერს ერთ-ერთი.

Xatia Gelashvili ბრავო ნატო!!! მართლაც ჩანს მაღალი კულტურა და პროფესიონალიზმი, რასაც სხვა სანახაობებში ვერ ვიტყოდი, უფრო მეტიც ხანდახან მათ მაგივრად ძალიან მრცხვენია, ისე იქცევიან. ძალიან კარგი განცხადება იყო, იქნებ დაფიქრდნენ და ცოტა ზრდილობიანად მოიქცნენ. მადლობა ნატო გაიხარეთ!