ჯანდაცვის სამინისტრო და ჯანმრთელობის მსოფლიო ორგანიზაციის საქართველოს ოფისი სამუშაო შეხვედრას გამართავს

საზოგადოება - 09:33, 01 May, 2014

1623

შრომის, ჯანმრთელობისა და სოციალური დაცვის სამინისტროს დაავადებათა კონტროლისა და საზოგადოებრივი ჯანმრთელობის ეროვნული ცენტრი და ჯანმრთელობის მსოფლიო ორგანიზაციის საქართველოს ოფისი დღეს ერთობლივ სამუშაო შეხვედრას ატარებენ.
თემა იქნება - "ჯანმრთელობა 2020 და არაგადამდები დაავადებები".
როგორც ჯანდაცვის სამინისტროში აცხადებენ, სამუშაო შეხვედრას შრომის, ჯანმრთელობისა და სოციალური დაცვის სამინისტროს და დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელი პირები დაესწრებიან.
ასევე, ჯანმრთელობის მსოფლიო ორგანიზაციის საქართველოს ოფისის, დონორი ორგანიზაციების წარმომადგენლები და არაგადამდებ დაავადებათა მართვაში ჩართული ექსპერტები.
სამუშაო შეხვედრაზე მონაწილეობას მიიღებენ ჯანმრთელობის მსოფლიო ორგანიზაციის ევროპის ბიუროს არაგადამდებ დაავადებათა და სასიცოცხლო ციკლის განყოფილების დირექტორი გაუდენ გალეა და პოლიტიკისა და მართვის განყოფილების წარმომადგენელი ბელინდა ლორინგი.
შეხვედრა შეეხება საქართველოში თამბაქოს, ონკოლოგიური დაავადებებისა და ჰიპერტენზიის გავრცელების, პრევენციისა და მართვის საკითხებს.
შეხვედრა გაიმართება დაავადებათა კონტროლის და საზოგადოებრივი ჯანმრთელობის ეროვნული ცენტრის საკონფერენციო დარბაზში.