XIX საუკუნის შენობა, სადაც მწერალთა კავშირია განთავსებული, ნგრევის პირასაა. სარემონტო სამუშაოები მას აშენების შემდეგ არ ჩატარებია. მხოლოდ სახურავის შეკეთება შეძლეს მწერლებმა საკუთარი ძალებით, თუმცა, ისტორიული ნაგებობის გადასარჩენად ეს საკმარისი არ აღმოჩნდა.

შენობა, რომელიც კულტურული მემკვიდრეობის სტატუსის მატარებელია, ფინანსთა სამინისტრომ მწერალთა კავშირს დროებით სარგებლობაში გადასცა. აქვეა გაზეთ „ჭოროხის“ რედაქციაც განთავსებული.

სამწუხაროა ის ფაქტი, რომ არქიტექტურული მნიშვნელობის მიუხედავად, ჯერ კიდევ გაურკვეველია, ვინ უნდა უზრუნველყოს სარეაბილიტაციო სამუშაოები.

დავით თევდორაძე, აჭარის მწერალთა კავშირის თავმჯდომარე: „ბატონმა ბიძინამ როცა ნახა ჩვენი სავალალო მდგომარება დახმარებას შეგვპირდა. ველოდებით... მიკვირს ხელისუფლებისათვის იმის ფონზე რაც შენდება და რაც შენდებოდა რატომ იქცა პრობლემად ამ პატარა შენობის გამაგრება და გარემონტება?! მთავარია კეთილი ნება“.