რუსთაველზე მიმდინარე აქციაზე, სადაც ანტიდისკრიმინაციული კანონის მიღებას აპროტესტებენ, ინციდენტი მოხდა.

დაძაბულობა აქციაზე თბილისის მერობის ერთ-ერთი კანდიდატის მიხეილ-გელა სალუაშვილის გამოჩენამ გამოიწვია.

სასულიერო პირებმა მას განუცხადეს, რომ აქცია პოლიტიკური ქულების ჩასაწერად არ უნდა გამოეყენებინა.

ასევე აქციაზე მივიდა ე.წ. ციხის სკანდალური კადრების ავტორი ვლადიმერ ბედუკაძე. აქციის ერთ-ერთ მონაწილეს და ბედუკაძეს შორის სიტყვიერი დაპირისპირება მოხდა.