რუსთავის თვითმმართველობის მოსაკრებლების სამსახურმა რუსთავში იმ მძღოლების დაჯარიმება დაიწყო, რომლებიც ქალაქში უნებართვოდ გადაადგილდებიან.

ეს ის ადამიანების არიან, რომლებიც რამდენიმე თვის განმავლობაში რუსთავი- თბილისის ხაზზე გამოცხადებული კონკურსის შედეგების გაუქმების მოთხოვნით უკვე რამდენიმე თვეა აქციებს მართავენ.

მძღოლები აცხადებენ, რომ ზედამხედველობის სამსახურს ჯარიმის გამოწერის უფლება არ ჰქონდა და ისინი პერმანენტული აქციებით იმუქრებიან. მძღოლების ადვოკატი კი აცხადებს, რომ ჯარიმას სასამართლოში გაასაჩივრებს.

ბრალდებებს აბსურდულს უწოდებენ ზედამხედველობის სამსახურში. მათი თქმით, მათ გაფრთხილება მძღოლებს ჯერ კიდევ პარასკევს მისცეს.