საზოგადოებრივი მაუწყებლის სამეურვეო საბჭოს თავმჯდომარისთვის სამეურვეო საბჭოს ორპალატიანობა წარმოუდგენელია. ემზარ გოგუაძე საზოგადოებრივი მაუწყებლის კანონში შესატან ცვლილებებს ეწინააღმდეგება და იმედოვნებს, რომ პარლამენტი მას მხარს არ დაუჭერს.

"ვფიქრობ წარმოუდგენელია სამეურვეო საბჭოს ორპალატიანობა. ცოტა არ იყოს გამიჭირდება სეიროზული კომენტარის გაკეთება იმ დეპუტატის იდეებზე, რომელიც საკონსტიტუციო სასმარათლოს გადაწყვეტილებას არ ცნობს. მეეჭვება პარლამენტი ამ გადაწყვეტილებას დათანხმდეს. სხვა შემთხვევაში მივმართავთ იგივე ინსტანციას, ასევე საერთაშორისო სასამართლოებსაც“, - განაცხადა ემზარ გოგუაძემ.

საზოგადოებრივი მაუწყებლის სამეთვალყურეო საბჭო ორ პალატიანი გახდება. სამეურვეო საბჭოს შიდა კონტროლის უზრუნველსაყოფად მონიტორინგის საბჭოც შეიქმნება.

ცვლილებები ითვალისწინებს მოქმედი სამეურვეო საბჭოს წევრებისთვის იმ ფუნქციების მიცემას, რომელიც ერთი მხრივ, საზოგადოებრივ მაუწყებელს დაიცავს მათი მხრიდან მორიგი კანონსაწინააღმდეგო და დაუსაბუთებელი გადაწყვეტილებების მიღებისგან და მეორე მხრივ, უზრუნველყოფს ახალი სამეურვეო საბჭოსა და გენერალური დირექტორის საქმიანობაზე ეფექტურ შიდა მონიტორინგს.