"მზიურის" დასასუფთავებლად მისულ ნარმანიას პარკი მოწესრიგებული დახვდა

საზოგადოება - 15:11, 29 Apr, 2014

2293

„ქართული ოცნების“ მერობის კანდიდატს დავით ნარმანიას, რომელიც „მზიურის“ დასუფთავებას აპირებდა ადგილზე მისულს პარკი დასუფთავებული დახვდა.
ნარმანიას თქმით, მას შემდეგ რაც მან „მზიურის“ დასუფთავება დააანონსა, სადაც ნაგავი ეყარა მერიის დასუფთავების სამსახურმა პარკი გაწმინდა.

"ამ ტერიტორიაზე დღეების განმავლობაში ნაგავი იყო. ჩვენ ახალგაზრდებთან ერთად დავგეგმეთ დასუფთავება, თუმცა, როგორც კი შესაბამისი ანონსი გავრცელდა, მერიის დასუფთავების სამსახურმა, როგორც ჩანს, დაასუფთავა და მოაწესრიგა ტერიტორია. ეს ერთი მხრივ, კარგია, ჩვენ ძალიან ბევრ ადგილს დავაანონსებთ, სადაც დასასუფთავებელია და ვანახოთ, რას გააკეთებენ. მეორე მხრივ, ცუდია ის რომ ეს ყველაფერი პოლიტიკურ გადაწყვეტილებას ეფუძნება და ჩვენდა სამწუხაროდ, დასუფთავების სამსახური მიდის საკუთარი მოქალაქეების საბოტაჟის გზით და არ ასუფთავებს ქალაქს. როდესაც ჩვენ მოვათ ქალაქის მმართველობაში, ერთად დავასუფთავებთ და მოვაწესრიგებთ ქალაქს. ის ადამიანები, რომლებიც დასუფთავების სამსახურში მუშაობენ და ყოველდღიურად ასუფთავებენ ქალაქს, მიიღებენ სწორ დავალებებს ჩვენგან, არ იქნება პოლიტიკური გადაწყვეტილებები. ხოლო ისინი, ვინც ცუდ მენეჯმენტს ახორციელებენ და პოლიტიკური გადაწყვეტილებების საფუძველზე სადღაც ალაგებენ ქალაქს, სადღაც - არა, ასეთ ადამიანები დატოვებენ მერიაში თანამდებობებს", - განაცხადა დავით ნარმანიამ.