სამთავროს დედათა მონასტრიდან დედა პარასკევა „დედაოებმა ლანძღვით და უხამსი სიტყვების ძახილით გამოგდეს“.

ამის შესახებ „ნიუპოსტს“ დედა პარასკევასთან დაახლოებულმა პირმა აცნობა, რომელმაც დედაოს მობილურის პირად ნომერზე გვიპასუხა. პიროვნება, რომელიც გუშინ მომხდარ ფაქტს თავად შეესწრო, ჩვენთან საუბარში იხსენებს, რომ დედა პარასკევას დედაოები ხალხის თანდასწრებით ცემით ემუქრებოდნენ.

„იღუმენიამ დედა პარასკევა სახალხოდ გალანძღა. ხალხის თანდასწრებით უხამსი სიტყვები ეძახეს და მონასტრიდან გამოაგდეს. ასევე იყო პოლიციის ძალით მუქარა და მუქარა ცემის - „თავს გაგიხეთქავ“. ძალიან დიდი აგრესია იყო დედა პარასკევას მიმართ. დედა ქეთევანს მამა გაბრიელზე აგრესია ჰქონდა. ეს აგრესია სისცოცხლეში დაიწყო და ახლაც გრძელდება. ამიტომ, დედა პარასკევას მამა გაბრიელის ერთგულების გამო მთელი ცხოვრება ებრძოდა. ალბათ მას გარკვეული მიზნები აქვს“, - განაცხადა დედა პარასკევასთან დაახლოებულმა პირმა.

მისი თქმით, ამ ეტაპზე უცნობია არის თუ არა აღნიშნულ საკითხზე საქმის კურსში საპატრიარქო.

„ვერ გეტყვით არის თუ არა საპატრიარქო საქმის კურში. პატრიარქი არ არის საქართველოში და ვერ გეტყვით აქვს თუ არა ეს ინფორმაცია. მე პირადად შევესწარი ამ ფაქტს და ვნახე რაც მოხდა“, - განაცხადა დედა პარასკევასთან დაახლოებულმა პირმა „ნიუპოსტთან“ საუბარში.