მ. იაშვილის სახელობის ბავშვთა საკურნალო დაწესებულების რესპირაციული მედიცინის დეპარტამენტის ხელმძღვანელს, პროფესორ პაატა გვეტაძეს, სამსახურში მისულს პაციენტის ბაბუა დაესხა თავს.

ინფორმაციას საავადმყოფოს პრესსამსახური ავრცელებს. მათივე ცნობით, თავდამსხმელმა ექიმს ფიზიკური და სიტყვიერი შეურაცხყოფა მიაყენა, ასევე, დააზიანა მისი კუთვნილი ავტომანქანა.

პაატა გვეტაძეს მრავლობითი ჭრილობები სახის მიდამოში და ტვინის შერყევა აღენიშნება.

ამ დროისთვის აღძრულია სისხლის სამართლის საქმე, მიმდინარეობს გამოძიება. თავდამსხმელი იძებნება.