დღეის მდგომარეობით სამინისტროს მზად აქვს მსგავსი პროექტები საქართველოს სხვადასხვა რეგიონებში: თბილისში, ქუთაისში, ზუგდიდში, ბათუმში.

"ჩვენ გვინდა დევნილ მოსახლეობას ჰქონდეს ინფორმაცია სამინისტროს მიერ ამ მიმართულებით განხორციელებული საქმიანობის შესახებ, რისთვისაც სამინისტრო ეტაპობრივად გაასაჯაროებს ყველა პროექტს და მაქსიმუმს გააკეთებს მათი უმოკლეს ვადებში განხორციელებისათვის", - აცხადებს სამინისტრო.

მიმდინარე წელს დაიწყება ქ. თბილისში, კრწანისის დასახლებაში მდებარე მიწის ნაკვეთზე საცხოვრებელი კომპლექსის მშენებლობა. პროექტი დამთავრდება 2016 წლის სექტემბერში და 2 088 დევნილი ოჯახი მიიღებს ახალ, თანამედროვე სტანდარტებით აშენებულ, კომფორტულ ბინას.