გიორგი გაბუნია: „მე ვნახე ჩემი სიკვდილი“

საზოგადოება - 14:44, 25 Apr, 2014

15122

„პროფილში“ გიორგი გაბუნიას განცხადებას „ჩემი ყველაზე დიდი იმედგაცრუება ღმერთია“ ინტერნეტ სივრცეში ბევრის გამოხმაურება მოჰვა. მაია ასათიანმა გადაცემაში რუსთავი 2-ის ტელეწამყვანები მიიწვია და სკმაოდ გულახდილი დიალოგი გამართა მათთან. „ნიუპოსტის“ მკითხველს ამჯერად გიორგი გაბუნის პასუხებს ვთავაზობთ. მკითხველი ტელეწამყვანის ცხოვრებიდან ბევრ საინტერესო დეტალს შეიტყობს.

-ცხოვრების ყველაზე დიდი სირთულე :

-საკუთარი თავის პოვნა. ჯერ კიდევ ძებნის პროცესში ვარ.

-ბავშვობის ყველაზე მძაფრი მოგონება

-სამოქალაქო ომი თბილისში, ეს არის ჩემი ყველაზე ცუდი მოგონება.

-რამ მოახდინა მთავარი გარდატეხა შენს ცხოვრებაში?

-ჩემმა საზღვარგარეთ წასვლამ, რომელიც ძალიან მინდოდა და მქონდა მიდრეკილება. მინდოდა ყოველთვის წავსულიყავი და ვფიქრობ სწორია ასე, რომ გავაკეთე, რადგან ძალიან შევიცვალე

-ვინ იქნებოდი, რომ არ ყოფილიყავი ის ვინც ხარ?

-სრული ასკეტი

-ცხოვრების მთავარი შეხვედრა?

--ალბათ ცხოვრებასთან შეხვედრა, აი, იმ ექიმთან, რომელიც დაეხმარა დედაჩემს, რომ მე გავეჩინე.

-ყველაზე დიდი ტკივილი?

-ჩვენი ძაღლის სიკვდილი

-სიყვარული ეს არის?

-სისულელე... დროის უაზრო კარგვა

-სექსი ეს არის?

-სექსი ეს არის ყველაფერი... სექსი არის მაღაროელის მუშაობა ბნელ და ნესტიან გვირაბში... მითუმეტეს თუ სათვალე არ გიკეთია, მაშინ ნისლიან გვირაბში...

-ცხოვრების დამონტაჟება რომ შეიძლებოდეს, რას ამოჭრიდი?

-90-იან წლებს მთლიანად.

-რისი გრცხვენია?

-ჩავიფსი ერთხელ სკოლაში, ძალიან პატარა ვიყავი, მახსოვს წინა მერხზე ვიჯექი და დაფამდე მივიდა ... მე ვიტყუებოდი ყვავილების მოარწყავად მიდიოდა, ვიღაც და შემთხვევით გადამასხა-მეთქი. დღესაც მრცხვენია...

-მთავარი კომპლექსი?

-უცხო ადამიანებთან არ მიყვარს ურთიერთობა და საშინელ დისკომფორტს ვგრძნობ, მითუმეტეს თუ ბევრნი არიან.

-სიზმარი, რომელიც ყოველთვის გახსოვს?

-ეს არის სიზმარი, რომელიც ძალიან ხშირად მესიზმრება. რომელიღაც ქალაქში ვაპირებ ჩასვლას, მაგრამ ვერასდროს ვაღწევ იქამდე. სულ მესიზმრება ეს სიზმარი და ძალიან არ მიყვარს.

-დაცემის შემდეგ იოლად შეგიძლია თუ არა ადგომა?

-კი, რაღაცნაირად გამომუშავებული მაქვს, ის რომ დაცემას არ აღვიქვამ დიდ კატასროფად და ძალიან ადვილად ვდგები.

-ტრადიცია, რომელიც გინდა, რომ გაქრეს?

-სუფრა, ამის გამო ხშირად ვერ დავდივარ მეგობრებთან, იმიტომ რომ მტანჯავს ეს ტრადიცია.

-რამ შეიძლება დაგაბნიოს?

-გადაწყვეტილების სწრაფად მიღებამ, დინჯად მიყვარს ხოლმე ფიქრი და ყველაფრის აწონ-დაწონა...

-რა გთრგუნავს?

-გაუნათლებლობა, უგემოვნებობა, უკულტურობა, რაც ერთმანეთთან კავშირშია ყოველთვის...

- ღალატი?

-არაუშავს, ძალიან მტკენს, მაგრამ ამ შემთხვევაშიც ადვილად გადამაქვს.

-როცა საკუთარ თავთან მარტო რჩები , როგორი ხარ?

-ყველაზე კომფორტულად ვგრძნობ თავს.

-თავი დაგიკარგავს?

-კი... მაგრამ არ მახსოვს როდის...

-სიკვდილთან შეხება თუ გქონია?

-მე ვიცი თუ რა რეაქცია ექნება საზოგადოებას მე თუ მოვკვდები ახლა. როდესაც ჩვენი მემონტაჟე რუსთავი 2-ის გიორგი გაბუნია დაიღუპა ყველას ეგონა, რომ ეს მე ვიყავი და მე ვნახე თუ რა ხდებოდა ჩემს ირგვლივ. მირეკავდნენ, მეკითხებოდნენ- გიორგი ცოცხალი ხარ? რა კარგია, რომ უპასუხე... ვხედავდი რა ხდებოდა ჩემს ოჯახში და მეგობრებში, რომლებსაც ბევრი ურეკავდა და უსამძიმრებდა, რადგან ეგონა რომ მე მოვკვდი. ასე რომ მე ვნახე ჩემი სიკვდილი.

-როდის მიხვდი რომ ცხოვრება შედგა?

-ჯერ არ შემდგარა..

-როგორი პროფილი გაქვს რეალურად?

- ისეთი, როგორიც არ ჩანს..

-ცხოვრების მთავარი იმედგაცრუება?

-ცხოვრების მთავარი იმედგაცრუება? - ღმერთი!