ტელეწამყვანი და „ცეკვავენ ვარსკვლავების“ ჟიურის წევრი ინგა გრიგოლია პროექტის კონკურსანტის გია ჯაჯანიძის ჩამცხრალმა ვნებამ გააღიზიანა.

სიტყვებსა და ქცევებში მოქნილი ფსიქოლოგი საცეკვაო მოძრაობაში იმდენად მოუქნელი აღმოჩნდა, რომ შეიძლება ითქვას პარტნიორი დაშავებას ბეწვზე გადარჩა. „სალსა“, რომელსაც სიმხიარულე უნდა მოეტანა ამ შემთხვევაში დაძაბული და უფერული იყო. თავად კონკურსანტი კი შეშინებული. არც ჟიურის კრიტიკას დაუყოვნებია, მათ შორის გამორჩეული ინგა გრიგოლია გახლდათ.

ინგა გრიგოლია: ჟურნალისტი, ფსიქოლოგი, წამყვანი, ახლა მოცეკვავის სტატუსიც მოინდომა... რით ვერ გაძეხი ? გადავირიე... ან სად იყო ვნება?! შენ ხომ ყველას ამას ეუბნები ქალსაც და კაცსაც, ვინც შენთან სეანსებზე მოდის, ვნება არის მთავარი მამოძრავებელი, სად იყო ვნება?! რა შეშინებული იყავი, ეს იყო გია ჯაჯანიძე?

ინგას ამგვარ შეფასებას სხვადასხვა სახუმარო ფანდებით ცნობილი ჯაჯანიზე ასე პასუხობს:

-იცით, ინგა ჩემი კლასელია და ყოველთვის ასე მჩაგრავდა ხოლმე.

-რეებს იგონებ? - ცხარობს გრიგოლია( არადა აშკარად ბევრად პატარაა გიაზე J) რამდენი წლის ხარ? რამდენი წლის ხარ მაყურებელს დაუკონკრეტე, არ მოგეშვები. ვერ გამაჩერებს ვერავინ.

-ინგა იყო ჩემზე ერთი წლით მაღალ კლასში - არ ნებდება გია....

-იტყუება, ბაბუაჩემის ხნის არის. მე ვარ მისგან განსხვავებით 71 წლიანი... ეგ იყო შენი რეაქცია ჩემს კრიტიკაზე და მიიღე კტრიტიკა! სად იყო ვნება-თქო! ძრწოდე ჯაჯანიძე!