სკანდალური ფილმი ქართველ გეებზე

კულტურა - 15:59, 24 Apr, 2014

10311

სკანდალური ფილმი, რომლის მსგავსიც საქართველოში ჯერ არ გადაღებულა - ეს არატრადიციული კომედიაა. ფილმს, რომელიც კინოთეატრებში ჯერ არ გამოსულა ხმაური უკვე მოჰყვა.

სოციალურ ქსელშიც უხვად არის მუქარანარევი და აგრესიული განცხადებები. ფილმი „ჩვენ ვართ გიჟები“ ორი ბიჭის თავგადასავალს ეხება. როგორც ფილმის პროდიუსერმა დავით ბეჟიტაშვილმა „ნიუპოსტთან“ საუბრისას განაცხადა „მართლმადიდებელ მშობელთა კავშირმა“ ფილმი გეების პროპაგანდად „მონათლა“.

ოთარ მიქელაძე, რეჟისორი: „როცა ფილმის შესახებ შეფასებებს ვისმენ, მეცინება. ფილმი არ უნახავთ და უკვე აფასებენ. ვკითხულობ- იცით რაზეა ფილმი? რომელი ეპიზოდი არ მოგწონთ? რა გაღიზიანებთ? მითხარით და ამოვჭრი. ვერაფერს მპასუხობენ... ეს არის აურზაური არაფრის გამო, გაოცებული ვარ...

ფილმში მთავარი გმირები კახელი და მეგრელი ბიჭები არიან. ზოგიერთებმა სწორედ ამ მიმართულებით დაიწყეს ფილმის გაკრიტიკება, - ნახეთ მეგრელი და კახელი გეებად გამოჰყავთ, მათ შეურაცხყოფას აყენებენო. თუმცა თავიდანვე ითქვა, რომ ფილმში მეგრელიც და კახელიც თავისებური იუმორის გამოა შერჩეული.

დავით ბეჟიტაშვილი: „მიმაჩნია, რომ ეს არის კომედია და არის ორი ბიჭის თავგადასვალი. არსად მითქვამს რომ ეს სიყვარულზეა, ან პროპაგანდისტულია. იქნებ ეს ფილმი მართლაც გეებზეა, რომლებიც ხვდებიან საკუთარ ცოდვას, ინანიებენ და ბერად აღიკვეცებიან? ეგებ ეს ფილმი მართლამდიდებლობის პროპაგანდაა? მოვუწოდებ საზოგადოებას დაგავამთავრებინონ ეს ფილმი, ჯერ ნახონ რაზეა და მერე შეაფასონ.