IDFI კალაძის უწყების სარესტორნო და სხვა ხარჯებს აქვეყნებს

საზოგადოება - 19:25, 23 Apr, 2014

1793

ინფორმაციის თავისუფლების განვითარების ინსტიტუტი ენერგეტიკის სამინისტროს 2013 წლის ხარჯებს აქვეყნებს. როგორც ორგანიზაციის მიერ გავრცელებულ ინფორმაციაშია აღნიშნული, უწყებამ, ღონისძიებებსა და კონფერენციებზე 67 626 ლარი დახარჯა.
IDFI-ის ინფორმაციით, 2013 წელს სამინისტროს მიერ ჩატარებულ ღონისძიებებსა და კონფერენციებზე გაწეული ხარჯებმა 67 626,61 ლარი შეადგინა. აღნიშნული თანხიდან ყველაზე დიდი წილი გახარჯულია 24-25 ივნისს საქართველო უკრაინის მთავრობათაშორისი კომისიის სხდომასთან დაკავშირებით (28 831 ლარი მ.შ. კვების ხარჯი 16 551.78 ლარი) და 17-19 სექტემბერს რიგით მეოთხე საერთაშორისო ფორუმზე (15 149 ლარი მ.შ კვების ხარჯი 8433 ლარი).
IDFI – იმ ენერგეტიკის სამინისტროს დამატებით მიმართა აღნიშნულ ღონისძიებებზე პირველადი დოკუმენტაციის მოთხოვნით (ინვოისი, მიღება-ჩაბარების აქტი, ჩეკი). სამინისტრომ სრულად დააკმაყოფილა ინსტიტუტის მოთხოვნა. როგორც სარესტორნო მომსახურების ჩეკებიდან ირკვევა საქართველო-უკრაინის მთავრობათაშორისი სხდომასთან დაკავშირებით 2013 წლის 25 მაისს რესტორან ფაეტონში 81 პერსონაზე გამასპინძლებისთვის გაწეულმა ხარჯმა შეადგინა 14 553 ლარი, მათ შორის მუსიკოსების მომსახურებაზე გაიხარჯა 3000 ლარი, ღვინის შეძენაზე 2170 ლარი, ერთი ლიტრი ჩივას რეგალის შეძენაზე - 182 ლარი, 22 კოლოფი სიგარეტის შეძენაზე 157 ლარის ხარჯი.