უხვმა ნალექმა კახეთს პრობლემები შეუქმნა. სტიქიამ დააზარალა ახმეტის მუნიციპალიტეტის სოფელი შახვეტილა და პანკისის ხეობის სოფელი დუისი

ახმეტის გამგებლის, ბექა ბაიდაურის ინფორმაციით, ძლიერმა წვიმამ და ნიაღვარმა გზები ჩახერგა და საავტომობილო მიმოსვლა შეაფერხა. სტიქიის ზონაში იმყოფებოდა კახეთის გუბერნატორი ირაკლი შიოლაშვილიც.

ბოლო ინფორმაციით, გადაუღებელი წვიმის გამო მდინარე ალაზანში წყლის დონემ აიწია. რაც ახმეტის მუნიციპალიტეტს დატბორვის საფრთხეს უქმნის. ამ დროისთვის ადგილზე ტექნიკაა მობილიზებული და სრულდება გაწმენდითი სამუშაოები.