ცნობილი ტელეწამყვანი ეკა ხოფერია ფეისბუქის გვერდზე ქმარს „ორი ვარსკვლავის“ კონკურსანტს მიშა ხუჯაძეს გულშემატკივრობს, სხვებსაც ურჩევს რომ გააქტიურდნენ და შემდეგი შინაარსის სტატუსს აქვეყნებს:

„ქმარს რომ საკონკურსოდ ამზადებ დილიდან, სულ სხვაა))) ჩავუწიკწიკე სამოსი)))) დღეს გვიყურეთ და დაგვიმესიჯეთ 95202)))) გვჭირდება თქვენი მხარდაჭერა♥“

როგორც ტელეწამყვანისგან ხდება ცნობილი, მისი მეუღლე ამჯერად თავისივე საყვარელ ჰიტს შეასრულებს. ეკას ფრაზებს ღელვაც ეტყობა: „დღესაც რომ აუტსაიდერებში მოხვდეს, სპეციალურ პრიზს მოვითხოვ აუცილებლად“, -ამბობს ის.

ტელეწამყვანის ღელვასთან დაკავშირებით კი მეუღლეს ამგვარი რეაქცია აქვს.

მიშა ხუჯაძე: „ სიამოვნებით ჩავერთე ამ პროექტში. ეკას ნეგატიური განწყობა რომ ჰქონოდა ამ ყველაფრის მიმართ, არ დავთანხმდებოდი. არ მეგონა, პირდაპირი ეთერის დროს ამდენს თუ ინერვიულებდა, მე არ ვღელავ იმდენს, რამდენსაც ის. ყოველ ახალ ტურს ემოციურად ელოდება. არ უნდა, რომ პროექტიდან გავვარდე, მე კი ვეუბნები, თუ გავვარდები, დიდი ამბავი არ იქნება–მეთქი. რადგან ამ პროექტის მონაწილე ვარ, თავს გამარჯვებულად ვთვლი“.