ირაკლი ღარიბაშვილი - იყო დრო, როცა ლამფის შუქზე ვსწავლობდი გაკვეთილებს

საზოგადოება - 21:32, 19 Apr, 2014

2403

პრემიერ-მინისტრი ირაკლი ღარიბაშვილი ბავშვობის წლებს იხსენებს. როგორც პრემიერი აცხადებს, უნივერსიტეტის დამთავრების შემდეგ სწავლის გასაგრძელებლად ის საფრანგეთში ნაჩუქარი 1000 დოლარით წავიდა.
"გავიზარდე სოფელში, კახეთში, კერძოდ, სოფელ ქიზიყში. სკოლა იქ დავამთავრე, იყო პერიოდი ოჯახი შეძლებული იყო, თუმცა იყო დრო, როცა ლამფის შუქზე ვსწავლობდი გაკვეთილებს. მიყვარდა სწავლა და დედაჩემის დამსახურებაა ჩემი განათლება. დედაჩემის სურვილი იყო, რომ მე ყველაფერი მესწავლა, მაგრამ სამწუხაროდ ყველაფერი ვერ ვისწავლე. სკოლის შემდეგ ჩავაბრე თბილისის უნივერსიტეტში საერთაშორისო ურთირთობებზე, ისე, რომ არავინ დამხმარებია. უნივერსიტეტის მერე მსურდა ამერიკაში წავსულიყავი, რადგან ცოდნა გამეღმავებია. 500 დოლარი სჭირდებოდა იქ სწავლას, ეს თანხა ვერ ვიშოვე და ვერ წავედი ამერიკაში. მაგრამ მე მყავდა ფრანგულის მასწავლებელი, მას მოვუყევი ეს ისტორია და მან მითხრა, რომ შემეძლო საფრანგეთში წავსულიყავი, სადაც მართლაც წავედი და იქ გავაგრძელე სწავლა. საფრანაგეთში ნაჩუქარი 1000 დოლარით წავედი, მამაჩემის მეგობარმა მაჩუქა. ძალიან მიჭირდა ადაპტირება, მაშინ 20 წლის ვიყავი. მე და ჩემი მეგობრები თავდაპირველად სტუდენტურ სამუშაოს ვერ ვშოულობდით, ვგულისხმობ ოფიციანტობას და ჭურჭლის მრეცხაობას, მაგრამ შემდეგ მოვძებნეთ და ვახერხებდით სწავლა და მუშაობა შემეთავსებინა", - განაცხადა ირაკლი ღარიბაშვილმა "პირველი არხის" ეთერში.