სასწავლო პროცესი გახანგრძლივდება, შესაბამისად ახალი სასწავლო წლის დაწყების თარიღთან დაკავშირებით ცვლილებები იგეგმება. აღნიშნული განცხადება დღეს გამართულ პრესკონფერენციაზე საქართველოს განათლებისა და მეცნიერების მინისტრის მოადგილე ლია გიგაურმა გააკეთა.

"ჩვენთან სასწავლო წელი 34-კვირიანი იყო. გადავდივართ 36-კვირიან სასწავლო წელზე. შესაბამისად, გარკვეული ცვლილებები სწავლის დაწყებისა და დასრულების ვადაში, რა თქმა უნდა, იქნება. სასწავლო წლის ხანგრძლივობა იზრდება, შესაბამისად, გადანაცვლება მოხდება და ალბათ, სწავლა დაიწყება უფრო ადრე. განისაზღვრება ვადები. მუშაობენ ექსპერტები, რათა გაითვალისწინონ ყველა გარე და შიდა ფაქტორი, რაც შეიძლება სასწავლო წლის დაწყების განმსაზღვრელი იყოს", - აღნიშნა ლია გიგაურმა.