ქართველი რეჟისორის კიდევ ერთი გამარჯვება

კულტურა - 16:48, 16 Apr, 2014

4177

ლევან კოღუაშვილის გამარჯვება ამჯერად ვისბადენის კინოფესტივალს უკავშირდება. „შემთხვევითი პაემნები“ , ფილმი, რომელიც მშობლებთან მცხოვრები 40 წელს მიღწეული მამაკაცისა და გათხოვილი ქალის რომანს ასახავს რეჟისორს კიდევ ერთი წარმატება მოუტანა. ამ ფილმმა უკვე რამდენიმე საერთაშორისო ფესტივალზე შეძლო აღიარებისა და პრიზების მოპოვება. ამჯერად კი გერმანიის ქალაქ ვისბადენში, ყოველწლიურ კინოფესტივალზე, რომელიც ცენტრალური და აღმოსავლეთ ევროპის ქვეყნების კინოპროდუქციას აერთიანებს, ქართველი რეჟისორი, ლევან კოღუაშვილი ამ ფილმისთვის საუკეთესო რეჟისორად დასახელდა.ისტორია, რომელიც 40 წლის მარტოხელა კაცის სევდიან ყოფას ასახავს, რეჟისორმა რეალური ცხოვრებიდან აიღო. „შემთხვევითი პაემნები“ -ის გმირს , მშობლები კარნახობენ, როგორ იცხოვროს და რა აკეთოს.

ლევან კოღუაშვილი: სცენარი ჩემი ყოფილი პედაგოგის, ბორის ფრუმინის მიერ მოთხრობილი ისტორიის მიხედვით დავწერე. ის რუსი ემიგრანტია, რომელიც დიდი ხანია ამერიკაში ცხოვრობს და ნიუ-იორკის უნივერსიტეტში კინო

რეჟისორობას ასწავლის, მეც მასწავლიდა. სწორედ მან მიამბო, როგორ ურჩევდა დედა, ცოლი მოეყვანა და რა სასაცილო გაგრძელება მოჰყვა ამ ისტორიას. ვფიქრობ, ეს ჩვენი საზოგადოებისთვისაც მნიშვნელოვანი თემაა, რადგან

ზრდასრული მამაკაცები ხშირად ისევ მშობლებთან ცხოვრობენ, მათ კისერზე არიან ჩამოკიდებულები და დამოუკიდებელ გადაწყვეტილებას ვერ იღებენ. პრინციპში, ეს არის სევდიანი კომედია, რომელშიც უფრო მსუბუქი ნოტები სჭარბობს, ვიდრე დრამატული.