X factor - ში, ტელეწამყვანის გიორგი გაბუნიას რეპლიკებმა ტელემაყურებელი ძალიან გააღიზიანა. „ საშინელი ცინიკოსი და უზრდელი ბიჭი ყოფილა, ძალიან ცუდად მოსასმენი და საყურებელი იყო გაბუნიას დამცინავი შეფასებები. საერთოდ ადამიანის ბუნება და ხასიათი ყველგან და ყველაფერში ჩანს, გაბუნიას სჯობდა „გენეტიკურად“ ზრდილობა გადასცემოდა“. - წერენ სოციალურ ქსელში და ნიკოლოზ რაჭველს მიმართავენ - ნიკოლოზ თქვენ სხვა დონის და შინაგანი კულტურის ადამიანი ხართ.

გიორგისთან დაკავშირებულ კომენტარებს სოციალურ ქსელში ნიკოლოზ რაჭველის გამოხმაურება მოჰყვა. ის წერს: მე არ მიყურებია გადაცემისთვის, მაგრამ ვერ დავიჯერებ რომ გიოს უკულტურობა გამოევლინა, თუ უკმაყოფილება გაჩნდა ეს უფრო ფორმატის პრინციპების შედეგი იქნება, ჟიურის ერთ-ერთი წევრი უნდა იყოს წესით ცოტა ირონიულ-კრიტიკული და ალბათ ეს მოარგეს გიოს! მაგრამ დამერწმუნეთ მართლაც შესანიშნავი ადამიანია და ძალიან მიყვარს..

მეგაშოუში კი გიორგი გაბუნია სტეფანეს შეფასებამ გააბრაზა, მომღერალმა ერთ-ერთ მონაწილეს უთხრა - შენგან მომღერალი არა, მაგრამ კარგი შოუმენი და ტელეწამყვანი დადგებაო. ეს გიორგიმ ბრაზიანი ხმით გააპროტესტა, - როგორ ტელევიზიაში ხედავ მას წამყვანად? - იკითხა გაოცებით და დასძინა - მე მომღერლად უფრო ვხედავ სტეფანეს ადგილზე... წამყვანობისთვის გენეტიკაა საჭირო!

-ყველას არა აქვს გენეტიკური შთამომავლობით წამყვანობის ნიჭი, მე მჯერა რომ ამ ბიჭისგან კარგი შოუმენი დადგება - შეეპასუხა სტეფანე.

ამ შეკამათების ფონზე სახალისო იყო თამთა გოდუაძის შეკითხვა -გიორგი, რაღაც არ ვიცი ეტყობა, ვინმე გყავს ტელეწამყვანი? ))