ადვოკატი რომე საჯაია მატროსოვის ციხეში დღეს მომხდარ ინციდენტზე საუბრობს.

როგორც „ნიუპოსტთან“ საუბარში საჯაიამ განაცხადა, იგი საპატიმროში ალექსანდრე გორგაძესთან იმყოფებოდა, როდესაც გამომძიებელი დავით ძნელშვილი მასთან შევიდა და „საქმის გარჩევა დაიწყო“.

„მატროვოვის ციხეში, შეხვედრების ოთხაში ჩემი დაცვის ქვეშ მყოფთან ვიმყოფებოდი. ამ დროს ოთახში კარი შემოაღო გამომძიებელმა დავით ძნელაშვილმა, რომელიც თათუხაშვილის საქმეში ფიგურირებს, როგორც მწამებელი. მან დამიწყო საქმის გარჩევა, თუ რატომ ვაკეთებდი კომენტარებს და ჩვენ შორის სიტყვიერი კამათი მოხდა. მას არ ჰქონდა ამ ოთხაში შემოსვლის უფლება, რადგან ჩემი საუბარი იყო კონფიდენციალური. ძნელაშვილი შეეცადა ჩემზე ზეწოლის მოხდენა. ამით მან უფლებამოსილებას გადაამეტა“, - განაცხადა საჯაიამ.

ნინო დათაშვილი