ნიკოლოზ რაჭველსა და კულტურის სამინისტროს შორის დაპირისპირება გრძელდება

საზოგადოება - 12:48, 14 Apr, 2014

2730

„მეოთხე თვეა ამაოდ ველოდებით მათი დანაპირების შესრულებას... პრაქტიკულად დაგვცინეს“ - აცხადებს რაჭველი.
ეროვნული მუსიკალური ცენტრის სამხატვრო ხელმძღვანელი კულტურის სამინისტროს სიმფონიური ორკესტრისთვის დაპირებული თანხის გამოყოფას სთხოვს...
რამდენიმე დღის წინ მუსიკოსის მიერ "ფეისბუქზე" განთავებულ სტატუსს, უმეცრებასთან ბრძოლასა (აქცენტი კულტურის სამინისტროზე გაკეთდა) და საქართველოს შესაძლო დატოვებასთან დაკავშირებით უამრავი გამოხმაურება მოჰყვა. იყო თანადგომა და მწვავე რეაქციებიც. კულტირის მინისტრის მოადგილემ მანანა ბერიკაშვილმაც არ დააყოვნა და ამ საკითხთან დაკავშირებით განცხადება გააკეთა:
მანანა ბერიკაშვილი: „მან მიიღო დაფინანსება , დაპირება ამაო არ ყოფილა. უკიდურესად გავიჭირვეთ და სახსრები გამოვყავით. კულტურის სამინისტრომ და პირადად მე მაქსიმალური გავაკეთეთ ნიკოლოზ რაჭველისა და მისი ორკესტრის დასაფინანსებლად“.
ნიკოლოზ რაჭველი: „ჩვენ მხოლოდ ასი ათასი ლარი დაგვიმატეს, რაც ხელფასებს მხოლოდ 30 ლარით ზრდის . ეს თანხა მთლიანად კაპელას გავუნაწილეთ, რადგან მუსიკოსების ხელფასები მიმდინარე წლამდე მხოლოდ 200 ლარს შეადგენდა. ამის პარალელურად კი ქვეყნის სხვა გუნდები 500 ლარით ფინანსებოდნენ... პირველ წელს დაფინანსებაზე უარი გვითხრეს, მაგრამ მტკიცე გარანტია მოგვცეს რომ მიმდინარე წლის ბიუჯეტში გაითვალისწინებდნენ, არ გაითვალისწინეს, უკვე მეოთხე თვეა ამაოდ ველოდებით მათი დანაპირების შესრულებას... 180 ადამიანი ელოდება მათ მოქმედებას. მათ კი საერთოდ არ აღელვებთ ეს. პრაქტიკულად დაგვცინეს, რაც სატკენია“...
წყარო: გაზეთი "პრაიმტაიმი"