სამეგრელოს რეგიონში მცხოვრებ დევნილ მოსახლეობას უფასო სამედიცინო გამოკვლევები ჩაუტარდებათ

საზოგადოება - 09:28, 12 Apr, 2014

1162

12 –13 აპრილს, აფხაზეთის მთავრობის ინიციატივითა და აფხაზეთის ჯანმრთელობისა და სოციალური დაცვის სამინისტროს ორგანიზებით სამეგრელოს რეგიონში, კერძოდ ზუგდიდსა და სოფელ დარჩელში არსებულ სამედიცინო დაწესებულებებში აფხაზეთიდან დევნილთათვის უფასო სამედიცინო დიაგნოსტიკური გამოკვლევები ჩატარდება.

დევნილთა გამოკვლევებში მონაწილეობას მიიღებენ აკად. ნ. ყიფშიძის სახელობის ცენტრალური საუნივერსიტეტო კლინიკისა (რესპუბლიკური საავადმყოფო) და აკად. ო.ღუდუშაურის სახელობის ეროვნული სამედიცინო ცენტრის წამყვანი სპეციალისტები.

აფხაზეთიდან დევნილებს ადილზე, უფასოდ ჩაუტარდებათ სხვადასხვა ტიპის ლაბორატორიული და ინსტრუმენტული (ექოსკოპია, ართროექოსკოპია, ელექტროკარდიოგრაფია, ენცეფალოგრამა) გამოკვლევები და დაურიგდებათ მედიკამენტები. აქცია უზრუნველყოფილი იქნება ჰუმანიტარული ტვირთით, რომელიც აფხაზეთის ა/რ ჯანმრთელობისა და სოციალური დაცვის სამინისტროს საერთაშორისო ჰუმანიტარულმა ორგანიზაციამ UMCOR გადასცა.

ღონისძიება, აფხაზეთის ა/რ ჯანმრთელობისა და სოციალური დაცვის მინისტრის ქეთევან ბაკარაძის ხელმძღვანელობით გაიმართება.