განათლების მინისტრი 53-ე სკოლის მასწავლებლებთან იმ შემთხვევაში ითანამშრომლებს, თუ ისინი თავიანთი მოვალეობის შესრულებას შეუდგებიან.

თამარ სანიკიძე მოუწოდებს მათ ნუ „მოჭრიან ყველა გზას“.

"ნუ მოიჭრიან ყველა გზას, რომელიც ჯერ კიდევ არსებობს თანამშრომლობისთვის. სამინისტროში მათ წინააღმდეგ არავინ არის განწყობილი. ჩვენ მზად ვართ თანამშრომლობისთვის, მხოლოდ იმ შემთხვევაში თუ პედაგოგები დაიწყებენ თავიანთი მოვალეობის შესრულებას", - განაცხადა მინისტრმა.

N 53-ე სკოლის ეზოში მოსწავლეებისა და პედაგოგების საპროტესტო აქცია რამდენიმე დღეა მიმდინარეობს და სასწავლო პროცესი შეჩერებულია. აქციის მონაწილეები, სკოლის ყოფილი დირექტორის, მარიამ რამინაშვილის თანამდებობაზე აღდგენას ითხოვენ.