საშუალო წნევის მიწისქვეშა გაზსადენზე ავარიის ლიკვიდაციის მიზნით, დღეს, 16:30 საათიდან დიდუბის რაიონის გარკვეულ ქუჩებს ბუნებრივი აირის მიწოდება დროებით შეუწყდებათ.

„დიდუბის რ-ში, აგლაძისა და ბაქრაძის ქუჩების კუთხეში საშ/წნევის მიწისქვეშა გაზსადენზე ავარიის ლიკვიდაციის მიზნით, დღეს 10 აპრილს 16.30სთ-დან გაზის მიწოდება შეუწყდება აგლაძის ქ. 26-ის კორპუსების, წერეთლის გამზ. 67, 69, 71, 73, 75, 77, 79, 110, 112, წერეთლის 9, 10, 11, 12, 13 კორპუსების, ხოშარაულის ქ. 22, 24, სამტრედიის ქ. 11-ის მოსახლეობასა და აღნიშნულ ტერიტორიაზე არსებულ მსხვილ კომერციულ კომუნალურ, საზკვების ობიექტებს, მათ შორის კოკა-კოლას, პურის ქარხანა ,,იფქლს”, დიდუბე პლაზას და სხვა. გაზმომარაგება აღდგება სამუშაოს დასრულებისთანავე.

შპს „ყაზტრანსგაზ-თბილისი“ ბოდიშს უხდის აბონენტებს დისკომფორტისთვის და მოუწოდებს მათ დაკეტილ მდგომარეობაში იქონიონ ბინებში არსებული გაზის ონკანები, უყურადღებოდ არ დატოვონ გაზის დანადგარები. გაზის დანადგარებთან გაუფრთხილებლობით გამოწვეულ ავარიებზე კომპანია იხსნის პასუხისმგებლობას“, - ნათქვამია „ყაზტრანსგაზ-თბილისის“ მიერ გავრცელებულ განცხადებაში.