საქართველოში ჰოლივუდელი ფოტოგრაფი დაჭრეს

შემთხვევა - 17:57, 09 Apr, 2014

5800

რამდენიმე კვირის წინ შავაფროსნებმა ფოტოსესიის დროს, თბილისში სტუმრად მყოფი „ემის“ მფლობელი ჰოლივუდელი ფოტოგრაფი შემთხევით დაჭრეს.
საქართველოსა და „შავფაროსნებზე“ შეყვარებულმა ჰოლივუდელმა ფოტოგრაფმა ჯეიმს ჰიგინსონმა ქართული საბრძოლო ხელოვნების მებრძოლებთან რესტორან „ძველ სახლში“ მორიგი ფოტოსესია მოაწყო.
ფოტოსესიის დროს ფოტოგრაფი შუბლში დაიჭრა. ის მოულოდნელად მიუახლოვდა მოფარიკავე წყვილს და მოქნეული ხმალი შუბლში მოხვდა. მძიმე ჭრილობისგან ჰიგინსონი თავისმა ფოტოაპარატმა გადაარჩინა. რომელმაც მოქნეული ხმლის ინერცია შეანელა. ფოტოგრაფი და რეჟისორი, რომელიც ჰოლივუდში 17 წელი მუშაობდა, საქართველოს უკვე მესამედ ესტუმრა. პირველივი სტუმრობისთანავე შავფაროსნების მებრძოლები მისი მუზა გახდნენ და ყოველი ვიზიტისას მათთან ახალ ფოტოსესიას აწყობს.
როგორც ჰიგინსონი აცხადებს , ის ძალიან მოიხიბლა ქართველი ისტორიული მებრძოლების ფენომენით, მათი სამოსით, აღჭურვილობით და საბრძოლო ოსტატობით, ამიტომ საქართველოში ჩამოსვლა შავფაროსნების გარეშ ვერ წარმოუდგენია.
„მსოფლიოს სიამოვნებით გავაცნობ ქართული კულტურის ამ მნიშვნელოვან ნაწილს. „შავფაროსნები“ უკვე ჩემი მეგობრები არიან. მათთან მესამედ ჩამოვედი. ფოტოების გარდა მათზე და საქართველოზე ფილმსაც ვიღებ. ფილმის გადაღება გასულ წელს დავიწყე. ახლა მონტაჟის პროცესშია. დასრულების შემდეგ უცხოელ მაყურებელთან ერთად, მისი ნახვა ქართველ მაყურებელსაც შეეძლება. საქართველოში კიდევ ვაპირებ ჩამოსვლას. საქართველოზე ასევე ფოტოალბომს ვამზადებ. ცალკე ალბომი იქნება შავფაროსნებზე“, – განაცხადა ჯეიმს ჰიგონსონმა.