„შავფაროსნები“ და ქართული კულტურა რომში

კულტურა - 15:39, 09 Apr, 2014

10794

ქართველები რომში, ოთხკილომეტრიან თეატრალიზებულ აღლუმში ევროპის სხვა ქვეყნებთან ერთად გამოვლენ და წარმოდგენებსაც გამართავენ. ევროპის ერთ–ერთ ყველაზე მასშტაბურ ფესტივალზე Natale di roma „შავფაროსნები“ უკვე მეორედ მიემგზვარებიან. ამჯერად ისინი რომს ანამბლ „ჩვენებურებთან“ ერთად ესტუმრებიან. როგორც „ნიუპოსტისთვის“ გახდა ცნობილი რომში გამართული თეატრალიზირებული, სახალხო ფესტივალი 20 აპრილს იწყება და სამ დღეს გაგრძელდება. „შავფაროსნები“ ფესტივალზე საქართველოს საბრძოლო ისტორიას, ისტორიულ იარაღს, ქართულ სამოსს და ქართულ სიმღერას წარადგენენ.

მარი ონეზაშვილი: შავფაროსნების“ გამოსვლამ იტალიელები და უცხოელი ტურისტები ისე აღაფრთოვანა რომ მსვლელობის დროს ბრავისიმოს ძახილი არ წყდებოდა. ქართველი მებრძოლებით ძალიან ბევრი უცხოელი ჟურნალისტიც დაინტერესდა. ფესტივალის დასრულების შემდეგ რომის ქუჩებში სეირნობისას ხალხი სცნობდა მათ და „georgiano“-ს შეძახილით ფოტოების გადასაღებად მოდიოდნენ. წელს კი ამ ფესტივალზე ქართველი ქალის სახეც იქნება წარმოდგენილი. ორი მებრძოლი გოგონა მიგვყავს, ისტორიული წყაროებიდან გამომდინარე პომპეუსის ლაშქრობის დროს ცნობილია რომ პომპეუსს არა მხოლოდ ქართველი მამაკაცბი, არამედ ქართველი ქალებიც ებრძოდნენ. ამიტომაც გადავწყვიტეთ რომში ქართველი მებრძოლი ქალის სახე წარგვედგინა. ბევრი მათგანი შეიძლება ითქვას, რომ პლასტიკურობითა და მოქნილობით მამაკაცებს სჯობნიან, ძალიან ლამაზი სანახაობა არის და ვფიქრობ, რომ ძალიან განსხვავებული იქნება წლევანდელი ჩვენი გამოსვლა. რომში ასევე წარვადგენთ სამოსელი პირველის და ლუდი მთიელის მიერ დამზადებულ ხევსურულ სამოსსა და აღჭურვილობას. მაისში კი სუხიშვილებთან და ანსმაბლ რუსთავთან ერთად, ქართული კულტურის დღეებზე ირლანდიაში გამოვდივართ“.