ეს ახალი პროექტია, რომლის საშუალებითაც ქართველ მკითხველს წიგნის წაკითხვა ნებისმიერ ადგილას შეუძლია. იდეის ერთ-ერთი ავტორია მწერალი ჯაბა ზარქუა. მისი თქმით, წიგნი ქალაქში იხეტიალებს და მკითხველი თავად იპოვის მას.

„გამარჯობა! მე მოხეტიალე წიგნი ვარ, ჩემმა პატრონმა სამოგზაუროდ გამომიშვა, წამიკითხე და სადმე დამტოვე“, - მსგავსი წარწერით წიგნები ნებისმიერ ადგილას შეიძლება იპოვოთ.

არსებობს ორი პირობა მათთვის, ვინც მოხეტიალე წიგნს იპოვის: ადამიანი, რომელიც ახალ წიგნს სხვადასხვა ადგილზე ნახავს, აუცილებლად უნდა წაიკითხოს, შემდეგ კი სხვა ადგილზე დატოვოს, სადაც წიგნი ახალ მკითხველს დაელოდება.