X ფაქტორისთვის თბილისში ჩამოსული თამთა გოდუაძე აღდგომას, 19 აპრილს კონცერტს საბერძნეთში, კუნძულ კრეტაზე გამართავს. საბერძნეთს იმდენად შევეჩვიე უკვე ჩემი მეორე სამშობლოაო ამბობს. მომღერალი რომელიც 13 წელია რაც საქართველოში არ ცხოვრობს სამშობლოს სპეციალურად ”X ფაქტორისთვის ეწვია. რუსთავი 2-ის გადაწყვეტილებით ის ჟიურის ერთ-ერთი წევრი გახლავთ.

თამთა გოდუაძე: „მონაწილეებს იმედები არ გაუცრუებიათ, ძალიან ბევრი კარგი კონკურსანტია, რა თქმა უნდა საშუალო დონის მომღერლებიც არიან. თუმცა, ეს ის პროექტია, სადაც მხოლოდ ხმას არ ექცევა ყურადღება, ამიტომ ძალიან საინტერესოა. წარმატებისთვის მთავარია სტილი და სწორად შერჩეული იმიჯი. ვფიქრობ საკმაოდ საინტერესო პროექტი გამოდის. კონცერტის შემდეგ პროექტისთვის ისევ დავბრუნდები საქართველოში“.