ექსკლუზივი: GEORGE SHAGhASHVILI კვლავ აფრიკული თემატიკით ჩამოდის

კულტურა - 15:51, 08 Apr, 2014

1807

ოჯახთან ერთად რამდენიმე დღიანი დასვენება სეიშელის კუნძულებზე, მერე ისევ კენია, მწვანე ქალაქად წოდებული ნაირობი და აფრიკული თემატიკითა და ორნამენტებით გაჯერებული კოლექცია, - ეს დანიიდან აღმოსავლეთ აფრიკაში ოჯახთან ერთად საცხოვრებლად გადასული ქართველი დიზაინერის გიორგი შაღაშვილის ცხოვრებისეული დეტალებია. როგორც „ნიუპოსტისთვის“ თავად გიორგისგან გახდა ცნობილი ახალი კოლექციის დათვალიერების საშუალება თბილისელებს მალე მიეცემა. დიზაინერი რამდენიმე დღეში სამშობლოში აპირებს ჩამოსვლას.გიორგი შაღაშვილი: საქართველოში 19 აპრილს ვაპირებ ჩამოსვლას. „ახალ კოლექციაზე მუშაობა თითქმის სრულდება, თბილისური ჩვენებისთვის რამდენიმე თვეა ვემზადები. თბილისი ფეშენ ვიკთან სატელეფონო საუბარი ჯერ არ მქონია, ამიტომ დაზუსტებით არ ვიცი მონაწილეობას ვიკის ფარგლებში მივიღებ თუ პერსონალურ ჩვენებას გავმართავ. კოლექციაზე ჩემს სახელოსნოში, თბილისშიც მუშაობენ. ეს კოლექციაც ისევე როგორც წინა, აფრიკული თემატიკით არის გაჯერებული. ეს ყველაფერი კოსტიუმის კონსტრუქციებში და ფორმებში აისახება. კოლექცია შავია“.

„მოდაში ისაა, რაც ლამაზად, ელეგანტურად და ღირსეულად წარმოგაჩენს, რაც შენს ინდივიდუალობას გაუსვამს ხაზს და კომფორტულად გაგრძნობინებს თავს“ - ამბობს დიზაინერი გიორგი შაღაშვილი. მომხმარებლის თქმით მისი სამოსიც ამგვარია ორიგინალური, კომფორტული და ხარისხიანი, რაც იმის საშუალებას გაძლევს, რომ ელეგანტურად წარმოჩინდე. მისი კოლეციის ჩვენებიდან ყოველთვის