განათლების მინისტრის გადაწყვეტილება 53-ე სკოლის დირექტორი მარიამ რამინაშვილი თანამდებობიდან მოხსნის შესახებ სავარაუდოდ, სასამართლოში გაასაჩივრდება.

ადვოკატმა გიორგი თითბერიძის თქმით, თუ თამარ სანიკიძე გადაწყვეტილებას არ გააუქმებს შესაბამისი სარჩელით სასამართლოს მიმართავენ.

"მრჩება შთაბეჭდილება, რომ მინისტრი ვერ ერკვევა თავის უფლება-მოვალეობებში. გავეცანი იმ შენიშვნებს, რომელიც ჰქონდათ რამინაშვილის მიმართ. ეს არის სასაცილო და ის ვერანაირად ვერ გამოდგება წინაპირობად იმისათვის, რომ დირექტორი თანამდებობიდან გაათავისუფლო. მივმართავთ თავად მინისტრს, რომ შეცვალოს ეს გადაწყვეტილება. თუ მინისტრი არ დაგვიკმაყოფილებს გადაწყვეტილებას, როგორც ცივილურად ხდება სარჩელს უკვე სასამართლოში შევიტანთ", - განაცხადა თითბერიძემ.

განათლების სამინისტროსთან 53-ე სკოლის მასწავლებლების და მოსწავლეების საპროტესტო აქცია მიმდინარეობს. ისინი სკოლის გათავისუფლებული დირექტორის თანამდებობაზე დაბრუნებას ითხოვენ. აქციაზე შეკრებილები განათლების მინისტრთან შეხვედრას ითხოვენ.

ნინო დათაშვილი