ლაშა ბაქრაძე facebook - ით სპონსორს ეძებს

კულტურა - 16:14, 07 Apr, 2014

3394

ლიტერატურის მუზეუმის დირექტორი ლაშა ბაქრაძე ფეისბუკის საშუალებით სპონსორის მოძიებას ცდილობს. ამასთან დაკავშირებით ის სტატუსს ფეისბუკის საკუთარ გვერზე აქვეყნებს. დაფინანსება იმ წიგნისთვის სურს, რომელშიც დღემდე გამოუქვეყნებელი ჩანაწერები განთავსდება. ეს ჩანაწერები ლაშა ბაქრაძის მამის, გამოჩენილი ქართველი მოღვაწის აკაკი ბაქრაძის არქივიდან გახლავთ. საკმაოდ საინტერესო გამოცემაში მკითხველი გაიგებს თუ რას ფიქრობდა და როგორ ხედავდა სამყაროს აკაკი ბაქრაძე. ლაშა ბაქრაძის თქმით გამოცემის იაფი ვარიანტისთვის 40 ათასია საჭირო, უფრო ხარისხიანისთვის კი 57 ათასი.

ლაშა ბაქრაძე: „უკვე დიდი ხანია ვმუშაობთ მისი ჩანაწერების, დღიურების, გაზეთებიდან ამონაჭრების გამოცემაზე. 6 ტომი გამოდის. ეს დღემდე გამოუქვეყნებელი ჩანაწერები საშუალებას იძლევა თვალი გადაავლო, გაიხსენო, გაიგო რა ხდებოდა 50იანი წლებიდან მოყოლებული 90იანების ბოლომდე საქართველოში და მის ფარგლებს გარეთ, რას ფიქრობდა და როგორ ხედავდა სამყაროს აკაკი ბაქრაძე.

ჩანაწერების დასაბეჭდად გვჭირდება სპონსორი და ეს სტატუსი არის მცდელობა ფეისბუკის საშუალებით ვიპოვოთ სპონსორი, ვფიქრობ, ფართო საზოგადოებისთვის უაღრესად საინტერესო გამოცემისთვის.