მთელი ქვეყნის მასშტაბით, თურქულის პროფილაქტიკური ვაქცინაცია დაიწყო

საზოგადოება - 10:58, 05 Apr, 2014

1700

სურსათის ეროვნულმა საააგენტომ დაავადება თურქულის პროფილაქტიკური ვაქცინაცია დაიწყო.
სურსათის ეროვნული სააგენტოს ცნობით, მთელი ქვეყნის მასშტაბით 1528432 სული მსხვილფეხა და წვრილფეხა შინაური ცხოველი აიცრება. ცხოველთა იმუნიზაცია მოსახლეობისთვის უფასოა, ხოლო ვაქცინა კი პირუტყვისთვის უსაფრთხოა.

როგორც საგენტოში აცხადებენ, მთელი ქვეყნის მასშტაბით 1528432 სული წვრილფეხა და მსხვილფეხა პირუტყვი აიცრება. მათ შორის: სამცხე-ჯავახეთში _ 203814, შიდა ქართლში - 83474, კახეთში - 429906, ქვემო ქართლში - 270144, მცხეთა-მთიანეთში - 44502, იმერეთში - 182533, რაჭა-ლეჩხუმში - 19859, სამეგრელოში - 151950, გურიაში - 48684, აჭარაში - 79385, თბილისში - 8112, ასევე აფხაზეთის ტერიტორიაზე - 6069 სული შინაური ცხოველი.
"თურქული ცხოველთა განსაკუთრებით საშიში, ადამიანისა და ცხოველის საერთო, გადამდები ინფექციური დაავადებაა, რომელიც დაფიქსირების შემთხვვაში სწრაფად ვრცელდება. ამიტომაც ამ დაავადების ქვეყანაში შემოჭრა-გავრცელების არსებული რისკებიდან გამომდინარე, მიმდინარე წელს საქართველოს მთელ ტერიტორიაზე ვაქცინირებული იქნება მსხვილფეხა და წვრილფეხა პირუტყვი წელიწადში ორჯერ. ვაქცინაციის პარალელურად მსხვილფეხა პირუტყვის აღრიცხვა-იდენტიფიკაცია ჩატარდება. ღონისძიების ფარგლებში მთელი ქვეყნის მასშტაბთ დასაქმდება 500-მდე ვეტერინარი, რომელიც ეპიზოოტიის საწინააღმდეგო ღონისძიების ჩატარებაში მიმდინარე წლის ბოლომდე იქნება ჩართული", _ აცხადებენ სააგენტოში.