ნანუკა ჟორჟოლიანი - ბატონო ვალერი, პროსტიტუციის მფარველიაო და მართალია?

საზოგადოება - 10:45, 05 Apr, 2014

5771

ჟურნალისტი ნანუკა ჟორჟოლიანი ვალერი გელაშვილის მიერ გაჟღერებულ განცხადებას გამოეხმაურა და სოციალურ ქსელში მას რამდენიმე კითხვით მიმართა:

"მიმართვა ვალერი გელაშვილს! ბატონო ვალერ, პირველ რიგში მინდა გითხრათ რომ გულწრფელად ვწუხვარ თქვენი ცემის ფაქტის გამო. შემიძლია შვილები დავიფიცო, რომ ადამიანურად ვწუხვარ! მაგრამ არსებობს რამდენიმე მაგრამ... ამბობთ, რომ ვიღაცამ, ვიღაცას უთხრა რომ თქვენ ცემას ელიავაზე მყოფი ერეკლე კოდუა უყურებდა, ავალებდა ვიღაცეებს და ამიტომ უნდა დაიჭირონ. ბატონო ვალერი, ეს იგივეა მე ვთქვა რომ თქვენზე მითხრეს რომ წლები თანამშრომლობდით რუსული უშიშროების სამსახურთან, რაც ლიტვაში ცნობილია... რის გამოც იქ ვიზიტით მყოფ პრემიერ მინისტრს თქვენი სახელი და გვარი სიიდან ამოაღებინეს, მითხრეს რომ ბავშვებს გადაუწვით ბაღი საკუთარი ბიზნესისთვის, მითხრეს რომ დაჭერილი იყავით ბელორუსიაში ოქროს კბილებისა და ჩეკების გაყიდვისთვის. მჯდარხართ კიდეც რამდენიმე დღე. და კიდევ ერთ ამბავს მეუბნებიან თქვენი დედის მომვლელთან დაკავშირებით..... დავიჯერო? ველოდები პასუხს!!!!
ბატონო ვალერ, კიდევ მითხრეს, რომ იარაღით დაუნდობლად ცემეთ გიორგი ქართველიშვილი, იქნებ მიპასუხოთ ეს მართალია?

ბატონო ვალერ, აგერ რამდენიმე წუთის წინ საერთოდ უცნობმა ადამიანმა მითხრა
პროსტიტუციის მფარველიაო და ვიდეოც ჩამიგდო! ნახეთ ვიდეო დამიპასუხეთ! მართალია?" - წერს "ფეისბუქზე" ნანუკა ჟორჟოლიანი.

გადაცემა "რეაქციის" ეთერში გელაშვილმა კრიმინალური პოლიციის ყოფილ ხელმძღვანელს და ჟორჟოლიანის მეუღლეს, ერეკლე კოდუას ბრალის წარდგენა უწინასწარმეტყველა და განაცხადა, რომ ერეკლე კოდუა მისი ცემის ფაქტს პირადად აკონტროლებდა.

„ჩემი ინფორმაციით, ერეკლე კოდუა 200 მეტროში იჯდა და ელიავას ბაზრობიდან აკონტროლებდა სპეცოპერაციას. მისთვის მოხდება ბრალის წაყენება. სავარაუდოდ კოდუა მერაბიშვილს და სააკაშვილსაც დაუმძიმდებათ ბრალი. ერთი ვიცი, კოდუა თავის თავზე ყველაფერს არ აიღებს და ხელს დაადებს მერაბიშვილს. ჩემი ვარაუდით შემკვეთი სააკაშვილი იყო“, - განაცხადა გელაშვილმა.