გარემოს დაცვის მინისტრის განცხადებით, ბზის უკანონოდ მოჭრისთვის მოქალაქეები დაჯარიმდებიან.

საჯარიმო სანქციების ოდენობა 200-დან 500 ლარამდე იმერყევებს, თუ გარემოსთვის მიყენებული ზიანი 1 000 ლარს გადააჭარბებს, სისხლის სამართლის საქმე აღიძვრება.

“ახლოვდება ბზობის დღესასწაული. ამ დღესასწაულთან დაკავშირებით უმოწყალოდ ნადგურდება უნიკალური კოლხური ბზა, რეალურად ის გადაშენების საფრთხის წინაშე დგას, ამიტომ გარემოს დაცვის სამინისტრო ბზის მოჭრაზე კონტროლს ამკაცრებს. კერძოდ, ტყეში ბზის მოჭრასა და ტოტების დაზიანებაზე გათვალისწინებულია, როგორც ადმინისტრაციული, ასევე სისხლის სამართლებრივი პასუხისმგებლობის ზომები. სანქციები დამოკიდებულია ბუნებრივი რესურსების უკანონო მოპოვების შედეგად გარემოსთვის მიყენებული ზიანის ოდენობაზე. საჯარიმო სანქციების ოდენობა 200-დან 500 ლარამდე მერყეობს, ხოლო მიყენებული ზიანი 1 000 ლარს აჭარბებს, სისხლის სამართლის საქმე აღიძვრება და ბზის მოპოვება შესაძლებელია, მხოლოდ კერძო საკუთრებაში არსებული სანერგეებიდან“, - განაცხადა ხათუნა გოგალაძემ დღევანდელი მთავრობის სხდომის შემდეგ.