ნინი ბადურაშვილი "ჩიტის" პასუხობს - ათზე მეტი წიგნი მაქვს წაკითხული

საზოგადოება - 11:56, 04 Apr, 2014

25109

როგორც ცნობილია „თბილისი ლაივი“ „რუსთავი 2“-ზე დაბრუნდა. თიკო სადუნიშვილის ერთ-ერთი რესპონდენტი მომღერალი ნინი ბადურაშვილი გახლდათ. წამყვანის შეკითხვა იუმორისტული პორტალი, „ჩიტის“ მიერ მომზადებულ „ნიუსს“ ეხებოდა, რომელიც ნინი ბადურაშვილზე 3 თვის წინ მომზადდა.

თიკო სადუნიშვილი: „ერთ-ერთმა ბლოგერმა გაკეთა შენზე ძალიან არასასიამოვნო რაღაც, შენს პოსტს გამოეხმაურა, 10 წიგნი ნინი ბადურაშვილისგან, რომელიც აუცილებლად უნდა წაიკითხო, შედიოდი და აბსოლუტურად ცარიელი სია იყო“.

ნინი ბადურაშვილი: „ ხო, ნუ ეს მე ვფიქრობ, რომ ალბათ მისი გაჭირვებაა ეს რომ გააკეთა, იმიტომ, რომ ეგონა, რომ ამით მე დამამცირებდა, ამით მე არაფერი არ დამაკლდა, დამიჯერეთ მე ათზე მეტი წიგნი შემიძლია ჩამოგითვალოთ, უბრალოდ ახლა მირჩევნია, რომ არ ჩამოგითვალოთ.. მეზარება ეს ვიღაც ბლოგერები და გაურკვეველი ტიპები, რომ მერე დამიწყებენ ომს“.

სადუნიშვილი: „ერთი წიგნი ნინი ბადურაშვილისგან, რომელიც შეგიძლიათ წელს ზაფხულში მაინც წაიკითხოთ არდადეგებზე...“

ბადურაშვილი: „მთვარის მოტაცება“ - კონსტანტინე გამსახურდია, ძალიან მიყვარს, ბევრი წიგნი მიყვარს, მაგრამ ეს ერთ-ერთი გამორჩეული წიგნია რომელიც ძალიან მიყვარს“.

ცნობისთვის, აღნიშნული პროექტი ავრცელებს ცრუ ინფორმაციას სატირულ-იუმორისტული მიზნებისთვის, მისი ჯგუფი არ აგებს პასუხს იმ შედეგებზე, რომლებიც შეიძლება მოჰყვეს მავანთა მიერ ამ ფაქტის არცოდნას.

ნინა შადური