მამა გაბრიელის წმინდა ნაწილების ადგილსამყოფელი, სავარაუდოდ, მეფე მირიანისა და დედოფალ ნანას საფლავის მოპირდაპირე მხარეს იქნება.

როგორც გუშინ, სამთავროს დედათა მონასტერში საჩხერისა და ჭიათურის მიტროპოლიტმა დანიელმა (დათუაშვილი) განაცხადა, დედათა მონასტერი ის ადგილია, სადაც მამა გაბრიელი მოღვაწეობდა ბოლო წლებში და სადაც აღესრულებოდა მრავალი სასწაული მის საფლავზე.

მისივე თქმით, ერთი კვირა მამა გაბრიელის წმინდა ნაწილები მონასტერში იქნება დასვენებული, შემდეგ კი გადაწყდება, როგორ მოხდება მისი გადასვენება.

"სავარაუდოდ, მეფე მირიანისა და დედოფალ ნანას საფლავების მოპირდაპირე მხარეს, ტაძრის მეორე კუთხეში იქნება მისი წმინდა ნაწილების ადგილსამყოფელი. კიდევ ერთხელ ვულოცავთ ხალხს მამა გაბრიელის ასეთ დიდ ძალას, მის სიყვარულს, რომელიც ყოველ ადამიანს ეხმარება. მე მინდა დავლოცო ქართველი ხალხი. შეიძლება ითქვას, რომ მთელი საქართველო მოვიდა და პატივი მიაგო მამა გაბიელს", - აღნიშნა მიტროპოლიტმა დანიელმა.

მამა გაბრიელის წმინდა ნაწილები მცხეთაში მდებარე სამთავროს დედათა მონასტერში გუშინ დაასვენეს.

ნინო დათაშვილი