ნიკა გვარამია - ინგა გრიგოლიას ბადალი არ ჰყავს

საზოგადოება - 23:40, 01 Apr, 2014

6166

ნიკა გვარამიას განმარტებით, ინგა გრიგოლიას გადაცემა უფრო შოუა, ვიდრე შინაარსი; შუბლაძისა და გაბუნიას გადაცემები კი უფრო შინაარსი, ვიდრე შოუ და ეს, გვარამიას თქმით, სარედაქციო პოლიტიკას უკავშირდება.
IRI-ს კვლევების მიხედვით, თოქ-შოუებში ინგა გრიგოლიას „რეაქცია“ ლიდერობს. ნინო შუბლაძის „პოზიცია“ კი, მეორე ადგილზეა. ნიკა გვარამია ამ ტენდენციას „ნიუპოსტთან“ აფასებს:
"ეს გემოვნების საკითხია. ინგა გრიგოლიას მსგავსი ტემპორიტმი, როგორც წამყვანის, არავის არა აქვს. ვფიქრობ, გრიგოლიას თოქ-შოუ არის უფრო სანახაობა, ვიდრე შინაარსი. ჩვენ სხვა მიმართულება გაქვს და მხოლოდ სანახაობის მიმართულებით არ წავალთ. ჩვენ აკადემიურ თოქ-შოუს ვანიჭებთ უპირატესობას, რაც, ალბათ, განწირულია იმისთვის, რომ ნაკლებად ექსტრემალური იქნება და ნაკლებად ყურებადი. ჩვენი პოლიტიკაა, გვქონდეს აკადემიური თემა, რის შემდეგაც ბევრი ნიუსი გაკეთდება, როგორც არის ხოლმე, სხვადასხვა პოზიციებს გავიგებთ და საზოგადოებას აზრის ჩამოყალიბებაში დავეხმარებით. რაც შეეხება ინგას თოქ-შოუს, რასაც აკეთებს, მას ბადალი არა ჰყავს და ის, იმაში რასაც აკეთებს, პროფესიონალია. თუმცა, ჩვენი სარედაქციო პოლიტიკა იმისკენ არასოდეს გადაიხრება“, - აცხადებს ნიკა გვარამია.