ნიკა გვარამია - „რუსთავი 2“-ს პოლიტიკურ ნეიტრალიტეტთან დაკავშირებით პრობლემები აქვს

საზოგადოება - 23:22, 01 Apr, 2014

4790

„რუსთავი2“-ის გენერალური დირექტორი „ნიუპოსტთან“ საუბარში აცხადებს, რომ ამ ერთი პროცენტით მსჯელობა და, მით უფრო, კამათი „უაზრობაა“, რადგანაც პასუხებში ყველა არჩევანი ერთად არის დაფიქსირებული. ანუ, თითოეულმა გამოკითხულმა შემოხაზა 3-ზე მეტი სატელევიზიო არხი და რომელ ადგილზეა „რუსთავი2“ პირველ არჩევანში არ ჩანს.
რაც შეეხება, „ფიფლ-მეტრების“ IRI-სთან შედარებას, მათ შორის არანაირი კორელაცია არ არის: „ფიფლ-მეტრები“ ზომავს, IRI და NDI - იკვლევს, ერთი ზომავს ლაივს - ანუ სად არის კონკრეტულ მომენტში გადართული ტელევიზორი, რომელ არხზე რა გადაცემას უყურებენ, მეორე იკვლევს პოლიტიკურ განწყობებს. ასე რომ, ფიფლ-მეტრები არანაირ კორელაციაში არ არის IRI-სა და NDI-ის კვლევებთან“, - აცხადებს „რუსთავი2“-ის გენერალური დირექტორი ნიკა გვარამია „ნიუპოსტთან“ საუბარში.
მისივე განმარტებით, ნდობის სეგმენტში „რუსთავი2“-მა პირველად გაუსწრო „იმედს“. ნიკა გვარამის შეფასებით, IRI-ს კვლევა აჩვენებს, რომ „რუსთავი 2“-ს გარკვეული პრობლემები აქვს პოლიტიკური ნეიტრალიტეტის თვალსაზრისით:
„პოლიტიკურ აღქმებში, რა თქმა უნდა, პრობლემა აქვს. ჩვენ ვცდილობთ, მაყურებელი დავარწმუნოთ, რომ ეს ასე არ არის. და ვცდილობთ ჩვენი პროდუქციით, სხვა მეთოდები არა გვაქვს. როგორც ჩანს, ეს ამართლებს, იმიტომ რომ ჩვენი ნდობის რეიტინგი პირველად არის ამ წლების განმავლობაში ყველაზე მაღალი, „იმედთან“ ყოველთვის ვაგებდით... არიან ადამიანები, ვინც „რუსთავი2“ პოლიტიკური პრეფერენციების გამო კატეგორიულად არ უყურებენ. „იმედი“, პოლიტიკური თვალსაზრისით, უფრო ნეიტრალურად აღქმულია, ვიდრე „რუსთავი 2“. „რუსთავი 2“ უფრო პოზიციონირებს პოლიტიკური თვალსაზრისით, ვიდრე „იმედი“ და, თუნდაც, ვიდრე „მაესტრო“. თუმცა, ამ კვლევამ აჩვენა, რომ ჩვენს მიმართ ნდობამ აიწია“, - აღნიშნავს ნიკა გვარამია.