მამა გაბრიელის წმინდა ნაწილებს სამების საკათედრო ტაძრიდან სამთავროს დედათა მონასტერში დღეს გადააბრძანებენ.

ამის შესახებ, სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ საკვირაო ქადაგებისას ბრძანა. საპატრიარქოს ცნობით, წმინდანის ნაწილებს სამების საკათედრო ტაძარში დღე-ღამეში 70 ათასამდე ადამიანი მოილოცავს.

აქამდე საპატრიარქოში აცხადებდნენ, რომ წმინდა მამა გაბრიელის სხეულის წმინდა ნაწილები სამების საკათედრო ტაძარში აღდგომის დღესასწაულამდე, 20 აპრილამდე დარჩებოდა.

მამა გაბრიელის საფლავი 22 თებერვალს გახსნეს. 24 თებერვლიდან კი წმინდანის სხეული სამების ტაძარშია დაბრძანებული.