მეწყერმა ზოიძეების საცხოვრებელი სახლი გაანადგურა ქედას რაიონ, სოფელ ბალაძეებში. ხუთსულიანი ოჯახი უსახლკაროდ დარჩა. გადაუღებლად თოვდა ქედას რაიონში, სადაც თოვლის საფარმა 25 სანტიმეტრს მიაღწია.

თოვამ და ძლიერმა ქარმა ელექტროენერგიის გადამცემი ხაზები დააზიანა ხულოს მუნიციპალიტეტში. ძლიერი ქარისა და თოვის შედეგად დაზიანებული ელექტროგადამცემი ხაზების აღდგენითი სამუშაოები მიმდინარეობს და დღის პირველ ნახევრამდე პრობლემა მოგვარდება, - აღნიშნავს ხულოს გამგებელი. მისივე განმარტებით, ხულოს ზემო სოფლებში, მათ შორის დანისპარაულში თოვლის საფარი 40 სანტიმეტრამდეა, 30 სანტიმეტრი ფიქსირდება ბაკი-ბაკოს ხეობაში, ხოლო დაბა ხულოში 10 სანტიმეტრამდე ნალექია.
წუხელ ძლიერმა ყინვამ წყალი გაყინა. მათივე განმარტებით, ყინვა იმ ხეხილის მოყინვასაც გამოიწვევდა, რომელიც უკვე აყვავებული იყო.

მინუს 8 გრადუსია ამ დროირსთვის ტემპერატურა წალკი რაიონში, სადაც ყინვისა და ნამქერის ფამო სოფელ იმერასთან წუხელ გზა იყო ჩახერგილი. პრობლემები შეექმნა გზებზე ტრანსპორტის გადაადგილებას.
ძლიერი ქარი იყო წუხელ რუსთავში და ქვემო ქართლის მთელ ტერიტორიაზე. რუსთავში ძლიერმა ქარმა სახურავები დააზიანა და ხეები დაგლიჯა.

მთელი ღამე თოვდა წუხელ იმერეთის სოფლებში. ტყიბულის, ბაღდათისა და ხარაგაულის მუნიციპალიტეტების მაღალმთიან სოფლებში თოვლის საფარმა 5 სმ-ს გადააჭარბა. თოვლია სამტრედიაშიც, თუმცა ნალექს რეგიონში პრობლემები არ გამოუწვევია.

საქართველოს მასშტაბით ტემპერატურა რამდენიმე დღეა, რაც მკვეთრად დაეცა. სინოპტიკოსები გამოდარებას 1-ელი აპრილიდან პროგნოზირებენ.