გაჩნდა ინფორმაცია, რომ კონსტანტინე მელაძე მეუღლეს, რომელთანაც 19 წელი იცხოვრა, ვერა ბრეჟნევას გამო დაშორდა.მომღერალიც და მუსიკოსიც ამ ჭორს უარყოფენ და აცხადებენ, რომ ისინი უბრალოდ მეგობრები არიან. ყოფილმა მეუღლე იანამ კი გაზეთ „კომსომოლსკაია პრავდასთან“ ინტერვიუში გულახდილად მოყვა განქორწინებისა და იმის შესახებ, თუ როგორ გაჩნდა მის ცხოვრებაში მეტოქე.

მომავალმა მეუღლეებმა ერთმანეთი გაიცნეს, როდესაც იანა ჯერ კიდევ 18 წლის იყო, ხოლო კონსტანტინე - 30-ის. ზუსტად მესამე პაემანზე, კომპოზიტორმა ხელი სთხოვა. დაწორწინებიდან მალე, მისი კარიერა ზემოთ წავიდა, ხოლო ამასთან, ოჯახში პრობლემები გაჩნდა. გაჩნდა სტაბილური სამსახური და ფული, მაგრამ მელაძე ხშირად მიდიოდა გასტროლებზე და ბევრ დროს უთმობდა კარიერას. წლებთან ერთად მის ცხოვრებაში პრიორიტეტები შეიცვალა, გაჩნდა რაღაცები, რაც სახლზე და ოჯახზე მნიშვნელოვანი იყო.

როდესაც იანა მესამე ბავშვზე იყო ფეხმძიმედ, შეიტყო, რომ ქმარი ღალატობს, მაგრამ მაშინ ეს კონსტანტინეს დროებით სისუტედ ჩათვალა. ხოლო ორი წლის შემდეგ მიხვდა, რომ მეუღლე ორმაგი ცხოვრებით ცხოვრობს, და გადაწყვიტა დაერეკა მეტოქისთვის, რომელიც ჯგუფ „ვია გრას“ წევრი ვერა ბრეჟნევა აღმოჩნდა. თუმცა, მაშინ მომღერალმა უპასუხა, რომ მათ შორის მხოლოდ საქმიანი ურთიერთობა იყო.

2013 წლის დასაწყისში, კონსტანტინეს რთული პერიოდი ჰქონდა. მუსიკოსი ავტოსაგზაო შემთხვევაში მოყვა, გაიტანა ქალი და ძლიერ განიცდიდა მომხდარს, ჩაიკეტა თავის თავში, აღარ პასუხობდა ტელეფონის ზარებს. მაშინ ბრეჟნევა თავად მივიდა სახლში და თქვა, რომ დახმარება სურდა.

„ვფიქრობ, რომ ის მოვიდა, რათა „იატაკქვეშეთიდან“ გამოსულიყო. მე ერთი კითხვა მქონდა: „რისი გულისთვის დაგჭირდა ამდენი უბედურების დათესვა? მე ხომ დაგირეკე. დაითვალე, ჩემი ცხოვრების რამდენი წელი წამართვით. თითქმის 10 წელი!“ პასუხად - ფართოდ გახელილი თვალები: „უბრალოდ, მაშინ ჩავთვალე, რომ ასე უკეთესი იქნებოდა...“. კომენტარი ზედმეტია. მივხვდი, რომ მე მეტი დრო არ მაქვს, არც ერთი ზედმეტი დღე მთელი ამ „სულიერებისთვის“ სახელად „ვია გრა“, - თქვა იანამ გაზეთ „კომსომოლსკაია პრავდასთან“ ინტერვიუში.

ამის შემდეგ, მან საბოლოოდ გადაწყვიტა ქმართან გაყრა. ახლობლები მის გადათქმას ცდილობდნენ და თავად კონსტანტინეც წინააღმდეგი იყო.

„არ დავუჯერე. ვფიქრობდი, ასეთი მამკაცებისგან, როგორიც ისაა, ქალები თავად არ მიდიან. განქორწინებაც არ უნდოდა. მაგრამ მე ცალცალკე ცხოვრება ვთხოვე. ვუთხარი, რომ ნივთები მოეგროვებინა. ბავშვებთან მოსვლა იმდენჯერ შეეძლო, რამდენჯერაც საჭიროდ ჩათვლიდა. თუ ის არ წავიდოდა, წავიდოდი მე, ბავშვებთან ერთად...“, - გაიხსენა იანამ.

ახლა იანა ისევ შეყვარებულია, მან ახალი მამაკაცი გაიჩინა. ყოფილ მეუღლეზე არ ბრაზობს და ბედნიერებას უსურვებს.