გოგონა, რომელიც მესამე სართულიდან გადმოაგდეს თავს დაუცველად მიიჩნევს

გოგონა, რომელიც მესამე სართულიდან გადმოაგდეს თავს დაუცველად მიიჩნევს - აბსოლუტურად დაუცველი ვარ!

საზოგადოება - 12:45, 28 Mar, 2014

5347

10 თვე გავიდა მას შემდეგ რაც უნივერსიტეტის მეორე კორპუსის კიბიდან გვანცა ადამია გადმოაგდეს. უპასუხო სიყვარულის გამო ვანო ღონღაძემ გვანცა სასიკვდილოდ გაიმეტა.

მიუხედავად იმისა, რომ უნივერსისტეტის იურიდიული ფაკუტეტის მეოთხე კურსის სტუდენტმა 4 თვიანი წოლითი რეჟიმი, ექიმები, წამლები, ფსიქოლოგები გამოაიარა ექსპერტიზამ მოძალადე ვანო ღონღაძე ფსიქიკურად დაავადებულად ცნო.

შესაბამისად, მასზე სისხლის სამსართლებრივი დევნა შეწყდა.ის წინასწარი დაკავების საკნიდან პირდაპირ ხონის ფსიქიატრიულ საავადმყოფოში გადაიყვანეს.
„იმ დღის დავიწყებას ვერ ვახერხებ. მენჯის ძვლის მრავლობითი მოტეხილობის გამო 4 თვე წოლითი რეჟიმი მქონდა, სპეციალური კორსეტი მეცვა და გვერდზე გადაბრუნებაც არ შემეძლო. მერე ნელ-ნელა ექიმებმა წამოჯდომის უფლება მომცეს, შემდეგ საწოლიდან ფეხების ჩამოწევის, მერე წამოდგომის, გავლის... ერთი თვე რეაბილიტოლოგი მოდიოდა და მავარჯიშებდა.

ახლა უკვე უნივერსიტეტშიც დავდივარ. წინა წელს გამოცდები სახლში ჩავაბარე, ჩემთან მოდიოდა დამკვირვებელი. დღესაც მიჭირს მეორე კორპუსში შესვლა, იქაურობა ჯოჯოხეთად მეჩვენება, მას მერე მშვიდად არ მძინებია, სახლიდან გასვლის შიშიც მაქვს, განსაკუთრებით მაშინ როცა შებინდდება, მშობლები მხვდებიან მეტროსთან, რომ სახლამდე მიმაცილონ, სულ მგონია, რომ ვიღაც მითვალთვალებს, ყველაზე მეტად იმის მეშინია ვანო არ იყოს ფსიქიატრიულიდან გამოსული, აბსოლუტურად დაუცველი ვარ. სასამართლომ ის შეურაცხადად ცნო, ახლაც რომ დამესახას თავს პასუხს ვინ აგებს?
სამედიცინო დასკვნაში, რომელიც რომელიც სამხარაულის ექსპერტიზამ შეადგინა, არა მხოლოდ ჩვენ, არამედ პროკურატურასაც ეპარებოდა ეჭვი, მიუხედავად ამისა, სამედიცინო დასკვნის გასაჩივრებაზე პროკურატურამ უარი გვითხრა - სამხარაულის ექსპერტიზის პასუხი გასაჩივრებას არ ექვემდებარებაო“, - აცხადებს ჟურნალ „გზასთან“ საუბისას გვანცა ადამია.

გვანცას დედის, შორენა თვალთვაძის განცხადებით, ყველა ინსტანციაში იჩივლებს, რომ მისი შვილი დაცული იყოს და ვანო ღონღაძე დაისაჯოს. როგორც ოჯახის წევრები აცხადებენ, გვანცას მკურნალობის ხარჯებიც კი არ აუნაზღაურებიათ და ოჯახს ძალიან გაუჭირდა მისი ათთვიანი მკურნალობის ხარჯების დაფარვა.

ნინო გოლოშვილი