დიდი დიღომსა და მის მიმდებარე კერძო დასახლებას დღეს წყალმომარაგება შეუწყდება. "ჯორჯიან უოთერ ენდ ფაუერის" ინფორმაციით, კომპანია დიდ დიღომში გამავალ მაგისტრალზე აუცილებელ ტექნიკურ სამუშაოებს ჩაატარებს.

"დილიდან, "ჯორჯიან უოთერ ენდ ფაუერი" 900 მმ-იანი მაგისტრალური წყალდენის დიდ დიღომში, მირიან მეფის ქუჩაზე გამავალ მონაკვეთზე აუცილებელი ტექნიკური სამუშაოების ჩატარებას გეგმავს. ამ მიზნით, 28 მარტის 10:00-დან 29 მარტის 10:00 საათამდე წყალმომარაგება შეუწყდება დიდი დიღომსა და მის მიმდებარე კერძო დასახლებას.

კომპანია "ჯორჯიან უოთერ ენდ ფაუერი" შეეცდება სამუშაოების ჩატარება შესაძლებლად მოკლე დროში დაასრულოს. დიდი დიღმისა და მისი მიმდებარე დასახლების მცხოვრებლებს წყალმომარაგება აღუდგებათ ეტაპობრივად, 29 მარტის 10:00 საათიდან, ტექნიკური სამუშაოების დასრულებისთანავე. შესაბამისად, 29 მარტის 13:00 საათისთვის წყალს მიიღებს დიდი დიღმის უკლებლივ ყველა კორპუსი და კერძო სახლი", - ნათქვამია კომპანიის განცხადებაში.