წერეთლის გამზირზე 21 წლის ბიჭი ცივი იარაღით მოკლეს. შემთხვევა გვიან ღამით პოლიციის შენობის მიმდებარე ტერიტორიაზე მოხდა. გარდაცვლილს სხეულზე 8 ჭრილობა ჰქონდა მიყენებული. როგორც "ნიუპოსტს" შინაგან საქმეთა სამინისტროში განუცხადეს, ადგილზე მთელი ღამის განმავლობაში საპატრულო პოლიცია და ექსპერტ-კრიმინალისტები მუშაობდნენ.

გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს. დამნაშავე ამ დროისათვის დაკავებული არ არის.

ნინო დათაშვილი